 رد: ... حصري ...... مجاهيم السودان ......
انا اللي اشوفه ياخي علي عتيق المنصوري ان بنت الكناني اللي امها مجهم محليه مايشك فيها ابدا واكثر ماتقربها الى الدوسرية الهويمليه بالتحديد وبعض انتاج الكناني انا شفته عند مزروعي في الظفره تقول بنات الوريك . انا لو احصل فحل كناني من اللي رقابها منتله ضربت به ابلي . واعرف بنت كناني في الامارات صفراء عليها العام 600 الف درهم . وفيه قعود حق الحين عند واحد منصوري في الوثبه عليه 120 الف وهو اخو قعود السوداني شريك الراشدي اللي باعوه في ام رقيبه 560 الف اخو القعود هذا من امه .انا ضد الباكستاني ومع الزول واقوله دربك خضر واشكر صاحب الموضوع هذا على عرض الصوره الطيبه.وبالنسبه لتخوفك من البروسيلا الحمى المالطيه .ربعنا دوم يجيبون ابل هجن من السودان سنويا بالطائره وتنزل الشارجه ولافيها لابروسيلا ولاغيره وتدخل محجر في السودان اسبوعين ومحجر في الشارجه اسبوع وشبوك المرموم مليانه عنانيف جايه من السودان ولا في الا العافيه ومترزقين الناس وراها . اما اللي جاب البروسيلا اللي يجيبونها تهريب من السودان عن طريق اليمن نجران او اليمن عمان العين في الامارات هذي نعم هي اللي جابت البروسيلا والجفار ونصيحتي اللي بيشري من السودان لا يشري الا بفحص قبل مايدفع دراهمه ..وعذرا على الاطاله |