 04 / 02 / 2012, 37 : 02 PM | #2 |
عضو ذهبي  تاريخ التسجيل: 13 / 08 / 2011 الدولة: الرياض المشاركات: 192 معدل تقييم المستوى: 172 |  رد: ثلاث مكائن كهرب ومحتار وش أخذ منهن ???????
اقتباس: المشاركة الأصلية كتبت بواسطة عبدالعزيز الفضلي  السلام عليكم ورحمة الله وبركاته مشورتكم يا الربع اهل الخبر والاختصاص
واهل التجربة لقيت ثلاث مكاين كهرباء كلها كاتم صوت ايهن احسن في الاستعمال والصيانة وقطع الغيار وايهن ارغب في البيع والشراء كلهن نظافتهن وحده تقريبا ولا سبق وان وظبن وشن نصيحتكم به والله انا محتار بينهن الاولى : جون ديرJOHN DEERE فرنسية موديل 2008 تبريد رديتر الثانية : دوتس DEUTZ المانيه موديل 2007 تبريد هواء الثالثة : ماكينة هندية عليها شعار رسمة الفلفل 2007 تبريد رديتر |
وعليكم السلام ورحمة الله وبركاته
هلا بك ياعبدالعزيز ومرحبا
أن طعت شور أخوك وكانك في الرياض مر اهل الورش اللي في الصناعية في شارع سلمان وأسألهم عن الدعوى وأهم شي قطع الغيار ومكينة مالها قطع أو قطعها غالية أتركها ولو عطوك إياها هدية وأسال مجرب المكاين مشكلتها بعد مشتراها وعلى اني أميل للجون دير لكن قبل تشتري مر اللي قلت لك واسالهم ثم عاد تبيصر ترى الشور من المختص أخير من المجرب بعض الاحيان
علما أن فيه مكينة تكد كد ما أظني غيرها يجي مثلها ومن واقع تجربه ووكيلها الجميح اسمها ايفكو (فيات) سابقا ولا أدري يجي منها كاتم الآن أو لا وان كان لقيت مكينة تسمى كوهلر أشتر وأنت مغمض ووكيلها جيد
لكن أهم شي استشر أهل الورش تراهم أبخص في مشاكلها وغثاها
وبعض الأحيان تشتري مكينة يارخصها ثم عقب فتره ماتلقى لها قطع غيار ثم تدخل في رح تعال هات جب
تحياتي للجميع |
 |  |