اخوي صقر من المعروف ان المطيه اللي لها سنه يقال عنها او عنه (مفرود/مفروده)وسنتين (حق/حقه)وثلاث سنين(لقي/لقيه)
على سبيل المثال --وفي الواقع
ناقة خلفه تحتها قعود بعد غلاق سنه يقال للقعود مفرود
وبعد غلاق السنه الثانيه حق
وبعد غلاق السنه الثالثه لقي
والقصايد خير برهان
يقول الشاعر الكبير الغني عن التعريف --علي بن سعيد بن بلال اليامي--
في وصفه للابل
الحـمـد للمعـبـود رب العالمـيـن ذا الكـون والآيـات عنّـا يـا معيـن
إيّـاك نعبـد يـا إلــه ونستعـيـن فـوق الذلـول اللـي نمِـس ابطانهـا
والشعر مع سفن الصحاري لـه مـدار أحلّ وأفضل مـا مشـى فـوق الديـار
وأغلى وأجمل مـا خلقـه الله جهـار البِـلْ عطايـا الله هــذا عنوانـهـا
إذ قال فيهـا كيـف خُلقـت بالكتـاب يصعب علي التعبير والشعر والجـواب
إلا أنهـا عبـرة ومنشاهـا السحـاب مـال وجمـال وعـظّـم الله شانـهـا
غاثـت نبـي الله صـالـح وأمّـتـه وليـا أقبلـت للبيـر شربـت جمّتـه
ليـن عقَروهـا القـوم والله نقمـتـه حاطت علـي اللـي سببـوا فقدانهـا
والإبـل قبـل آدم وحـوّا يخلـقـون خلقت من أول ما خلق منشي المـزون
مـوجـودةٍ لـيـن الأوادم ينتـهـون جعلـه فداهـا مـن جَحـد عرفانـهـا
هذي حلايب لـ.. أنبيـا والمرسليـن وهـي الركايـب للأشـدّة والضعيـن
وهي الجلايب عنـد فرغـات اليديـن وهـي الوقـار ليـا أقبلـوا ضيفانـه
وهي الهدايـا اللـي تسكـت كـل فـم وهـي الكبـارة للزعيـم اليـا زعـم
لعـل دارٍ مـا لـهـا فيـهـا قـسـم مـع الــزلازل تنفـجـر بركانـهـا
وهي الكسايب ل.. التقوا قـوم وقـوم أحد تصير أبعـد عليـه مـن النجـوم
واحد كسبها غصب من فوق الخشـوم ليـا رقــص للمعـركـة شيطانـهـا
ياما وياما مـن هجـاد ومـن صبـاح للخيـل والفريـس حمـران الرمـاح
وقومٍ حموها ف.. المفالـي والمـراح وقـوم تضويهـا بضـرب ايمانـهـا
لولا غلاهـا مـا سـرح فيهـا ذيـاب فوق الأصيل اللي كمـا فـرخ العقـاب
ينوب عن تسعيـن فـارس بالحسـاب اليا قضـب سـرج الفـرس وعنانهـا
وصّاه ابـن سرحـان فيهـا ثـم قـال أوصيك فـالبل ذخرنا فـي كـل حـال
من لاحماهـا مـا تصـب لـه الـدلال ذي ساعـة الخـلاّن فــي خلانـهـا
مشروبنـا والـقـوت در حجـورهـا وعنـد الرحيـل تشلينـا بظهـورهـا
ويكسـي وبرهـا عـنـد عسـورهـا ومـن جلدهـا مصنوعـةٍ حيضانهـا
وكـرّر يقـول اخفافهـا فـوق الحفـا يوصف سماريها على وصـف الصفـا
تدبير من فـي خلقـه الكـون اكتفـا تاطـا سماريهـا وهــي حذيانـهـا
قال ابن غانـم لا توصينـي حريـص ليا غدى السيـف والحربـة وريـص
أخلـى الفريـس بدمـاهـا ربـيـص لـي بارزتنـي واشهـرت عيدانـهـا
كلّه عن البـل والجديـد مـن القديـم لو أتجـول مـن عديـم إلـى عديـم
ما أكملت ذكر اللـي يـردون الوسيـم والبـل وأهلهـا تنعـرف وأزمانـهـا
ولا زالت البل مـع صناديـد الرجـال غرب وشـرق وبالجنـوب وبالشمـال
على غلاها القيـد مـن فوقـه عقـال ذخـر لحـكّـام الــدول واعيانـهـا
الإبـل لشيـوخ القبايـل والمـلـوك ولكـل شهـم مـا تـراوده الشكـوك
مهما تعـلاّ راس مالـه فـي البنـوك حافـظ عليهـا واعتـرف باحسانهـا
يـا زيـن طاريهـا وزيـن اخْلُوقهـا الجاهـل اللـي مـا يقـدر سوقـهـا
مَن صِغْر قـدرِه مـا يَعَـرْف حقوقهـا جعْلـه يعـاف لحومـهـا والبانـهـا
الرابـح الرابـح خـذا منهـا قسـوم والإبـل تاسمهـا القبايـل بالـوسـوم
من عَهْد يوم النـاس معطـا ومحـروم تجـددّه لـ.. أحفـاد مـن جدّانـهـا
هـذا هـو الشـرح الدليـل الأوّلــي ويتبعـه وصـف وشـرح مفصـلـي
خلونـي آلاعـب عصاهـا واعتـلـي والملحمـة يـبـرْا لـهـا برهانـهـا
عوص القوافي مـن عدمهـا للوجـود وسايـق فيهـا مـن المعنـى نجـود
حتى نوردها علـى حـوض الـورود مثل الجمـال نقودهـا ب.. ارسانهـا
تسمّعوا في وصف جرعـات الحنيـن من راس ذروتها إلى الخـفَ الرزيـن
وقدم وخَلْف ومن يسـار ومـن يميـن وافعالـهـا واشكالـهـا والـوانـهـا
الناقـة النـاقـة ويلقحـهـا جـمـل الأصل واحـد والصنـوف إلـى قبـل
لقاحهـا يظهـر ل.. اهلهـا والفحـل علـى ثمـان مـا اختلـف حسبانهـا
يصبح بها ذيل المعشـر تحـت فـوق لقـاح لا فيهـا صبـوح ولا غَـبـوق
لهـا فحلهـا لا يـلـوق ولا تـلـوق وآخـر سنَتْهـا حـذَفـت حيرانـهـا
هات الشمالة بعـد شَهْـر مَـعْ شَهَـر لـبّ المحالـب بالشمالـة مـن حَـدر
شَمالـة مشخـولـة ومــن الـوبـر مروبـعـة ومثـولـثـة جيـلانـهـا
في جالها الخلفي ومـن بيـن الفخـوذ ربــاط ايـمـن فقارتـهـا يـلـوذ
من الظهيـرة لـه ربـاط ولـه نفـوذ السفـه اللـي يلتـوي ب..قْرانـهـا
وجيلانها اللي من يمين ومـن يسـار تربـط بثنتيـن تجيـهـا بانـحـدار
الأيسـر المبهـل والايمـن للـقـرار موكـديـن شروطـهـا واركـانـهـا
والكرسي الثابت يجـي خلـف السنـام منـه الجنـايـب مـدودهـا لـلأمـام
هذا الظهر مـن بينهـا مثـل المقـام ولهـا روابـط والنـحـر ختمانـهـا
وأمّا التوادي لو تكـون مـن العشَـر أفضل من الليحـان وأنـواع الشجـر
طول الصرار يصير شبر إليـا انشبـر تـوداه وحـده واختهـا ب.. وْزانهـا
الرقْف اقل بْـ" سانتي " من عرضهـا والعرْض عن مركـز ثـلاث اغضهـا
والنـاس تلـزم روسهـا وتحظَـهـا وتْثبـت المقـرون فــي فيجانـهـا
واحلب وحيّـن وانتبـه ل.. حوارهـا لـولا لبنهـا مـن يعيـش اصغارهـا
واليا انحـرف راس السنـة لدْوارهـا هـدّوا فحَلْهـا وافـرُدوا حشوانـهـا
مفرودها عمـره سنـة مهمـا يـزاد والعـام الآخـر حـقَ والثالـث وكـاد
لِقْـي والرابـع جِـذَع حسْـب العـداد وفي عـام خامـس مثنيـة جذعانهـا
سنَ الثني في عامـه السـادس رَبـاعَ وفي عامه السابع سديـس بكـل قـاع
واليا انتهى السابع خذ العلْـم الوقـاع ثامـن وتاسـع شمـخـت نيبانـهـا
تكاملـت الأنيـاب فيهـا والسـنـون وان عقبت عاشـر عـوام العمـردون
يمكن إلى العشرين تاصـل قـد يكـون وعنهـا الطواحـن حوّلـت واسنانهـا
تلقح ثمان امـرار مـن عمـر طويـل وثمان خلفـة وعشـرة مـا تستحيـل
اليا استمرت مـن بديـل إلـى بديـل هـذي حـراوي قـدرهـا وامكانـهـا
البـلْ عطايـا الله جزيـلات العـطـا قطّاعـة الفرْجـة طويـلات الخـطـا
ومْـع ظـلام الليـل ادلّ مـن القطـا سفـن الصحـاري والذكـا باذهانهـا
وارجع إلى عسفي ووصفـي للذلـول اركـب ظهرهـا ثـم أعلمهـا الدلـول
حتى تجي كنْها تقـلْ لـي وش تقـول خدمـة هَنْـوف مـا تمـدّ لسانـهـا
اغير واطمر وان حذفت لهـا الخطـام تقف وقوف العسكري حسـب النظـام
لو من بعيد " اخ .. ابركي " تبرك شمام مثـل الرهينـة فـي طلـب رهاَنـهـا
خلود اسَدْ وعْيونهـا مثـل الخـلاْص وكنْها ليا قامت على كهـرب ومـاص
وان دبّرَت ما عاد يلحقهـا الرصـاص وان لمسهـا العرقـوب جـنّ جنانهـا
ان اربعـت تـقـول زاروقٍ سـريـع على طمان المـوج والمـوج الرفيـع
إلا انهـا فيهـا مـن الذيـب الجويـع خـوّه وبـاعـه وحْـرِكـةْ بِيعانـهـا
أصيـل ومعـدّي زمـان مـعْ زمـان بشْدادها مسْ الحقـبْ هـو والبطـان
وَعْذارها اللي من ورا مقطـع ل..أذان واختـم صريمتهـا تحـتْ لحيانـهـا
وابتد من احـلاق الصريمـة بالخطـام قَوْسه ثلاث امتار مـن ريـش النعـام
شِـدّه ومـدّه لا تهـده يـا الهـمـام والـوه علـى كـرز علـو امتانـهـا
فجّا نحر حدْبـا ظهـر قطمـا خفـاف والعنق من عنـق النعامـة والـزراف
كنّ الشجر من قدْمها يحـذف اخـلاف مـن طويهـا البيـدا ومـن ذرعانهـا
صكّا الفخوذ البتـر والذيـل القصيـر افهق عصاها مـن عصاهـا لا تطيـر
اديـب لا تَزْغَـم قلـيـل ولا كثـيـر حمـر الشنـوف تسوقهـا زيلانـهـا
ويْسوقها صـوت المغنـي والطبـوع فـزّازة فيهـا مـن الأدْمـي رمـوع
في سمعها كنهـم يصيحـون الجمـوع تخبـط والارض تْـرنّ مـن خبْطانهـا
مربوعـة الجمْهـاة ذاهنـة الشبـوح في خشمها من سكبة السيف اللحـوح
وليا اقبلت تغنج كمـا خطـوا طمـوح والوصـف الآخـر قايـدة غزلانـهـا
نُصـب اذانيهـا وعلباهـا افطـحـي والعَنق لاب.. احقـد ولا هـو منتحـي
تَضرس وكْن حسَ الصريمـة باللحـي أرشـى دلـي الـري فـي علقانـهـا
البـل عطايـا الله جزيـلات العـطـا قطّاعـة الفرْجـة طويـلات الخـطـا
ومْـع ظـلام الليـل ادلّ مـن القطـا سفـن الصحـاري والذكـا باذهانهـا
وارجع إلى عسفي ووصفـي للذلـول اركـب ظهرهـا ثـم أعلمهـا الدلـول
حتى تجي كنْها تقـلْ لـي وش تقـول خدمـة هَنْـوف مـا تمـدّ لسانـهـا
اغير واطمر وان حذفت لهـا الخطـام تقف وقوف العسكري حسـب النظـام
لو من بعيد " اخ .. ابركي " تبرك شمام مثـل الرهينـة فـي طلـب رهاَنـهـا
خلود اسَدْ وعْيونهـا مثـل الخـلاْص وكنْها ليا قامت على كهـرب ومـاص
وان دبّرَت ما عاد يلحقهـا الرصـاص وان لمسهـا العرقـوب جـنّ جنانهـا
ان اربعـت تـقـول زاروقٍ سـريـع على طمان المـوج والمـوج الرفيـع
إلا انهـا فيهـا مـن الذيـب الجويـع خـوّه وبـاعـه وحْـرِكـةْ بِيعانـهـا
أصيـل ومعـدّي زمـان مـعْ زمـان بشْدادها مسْ الحقـبْ هـو والبطـان
وَعْذارها اللي من ورا مقطـع ل..أذان واختـم صريمتهـا تحـتْ لحيانـهـا
وابتد من احـلاق الصريمـة بالخطـام قَوْسه ثلاث امتار مـن ريـش النعـام
شِـدّه ومـدّه لا تهـده يـا الهـمـام والـوه علـى كـرز علـو امتانـهـا
فجّا نحر حدْبـا ظهـر قطمـا خفـاف والعنق من عنـق النعامـة والـزراف
كنّ الشجر من قدْمها يحـذف اخـلاف مـن طويهـا البيـدا ومـن ذرعانهـا
صكّا الفخوذ البتـر والذيـل القصيـر افهق عصاها مـن عصاهـا لا تطيـر
اديـب لا تَزْغَـم قلـيـل ولا كثـيـر حمـر الشنـوف تسوقهـا زيلانـهـا
ويْسوقها صـوت المغنـي والطبـوع فـزّازة فيهـا مـن الأدْمـي رمـوع
في سمعها كنهـم يصيحـون الجمـوع تخبـط والارض تْـرنّ مـن خبْطانهـا
مربوعـة الجمْهـاة ذاهنـة الشبـوح في خشمها من سكبة السيف اللحـوح
وليا اقبلت تغنج كمـا خطـوا طمـوح والوصـف الآخـر قايـدة غزلانـهـا
نُصـب اذانيهـا وعلباهـا افطـحـي والعَنق لاب.. احقـد ولا هـو منتحـي
تَضرس وكْن حسَ الصريمـة باللحـي أرشـى دلـي الـري فـي علقانـهـا
ومـن اصلهـا وعظامهـا وعزومهـا سبـع يخـب ولا يخطـل نسومـهـا
مزويـة مثـل الرصـاص لحومـهـا خبّـا كلاهـا مـا تـنـوش اثفانـهـا
أخـذْ شرابـك واخـذ زادك والزنـاد بّ.. شْدادها والخرج تصلـك للمـراد
ومع دربها بعض الموديـلات الجـداد خربـت وذيـك منـزلـة صيجانـهـا
والجيـش منهـا باطنـي وصيعـري وهيتـي ودرعـي وحـر جـوهـري
مشكلـة الألـوان عجـلات الـجـرى انضا الجزيـرة واصلهـا ب..عْمانهـا
وارجع إلى واجـب طويـلات الرقـاب المجهـم اللـي لونهـا لـون الغـراب
مصنقـرات وكـن اذانيهـا حــراب فنس الخشـوم أقصـى هـو بِدْوَانَهـا
كنْها تمثّـل هضـب نجـد مـن بعيـد هْـيَ الخيـار ولا تحـطَ لهـا نـديـد
يا مستمـع قولـي علـيّ الله شهيـد هـذي شهـادة مـا نبـي كتمانـهـا
شهـادة تومـن بهـا سبـع الأراض واهل السواليف الطويـلات العـراض
ما احقر المغتـر وواضحـة البيـاض فـي نوّهـا واخلوقـهـا واثمانـهـا
ودوّه ونـووَه واجمـع البـلْ كلـهـا والسـود فيهـا كلنـا نفطـن لـهـا
مثـل البيـوت الليـل يظلـل ظلـهـا الـلـي ذراهــا وافــي وكْنانـهـا
ما هي تربّع فـي مضيـق ولا شعيـب ابشر بعون ولـون وابشـر بالحليـب
وعن غيرها تحتـل حيضـان القليـب وكـل الـعـدو الراسـيـة عِدّانـهـا
أحـبْ مدهـال لهـا رُبـع الجـنـوب ل.. أقبل شتاها وصلته من كل صـوب
مـا حبتـه موجـة تحبـه بالقـلـوب محـبـة مــا ينمـحـي وجدانـهـا
جنوب من " رُغوة " شمال " السبعتين "غربي "حفيت" ونصف شرق "الثلمتين"
رُبـعٍ بعيـد عـن المدايـن والقطيـن ما سرحـت فيـه الشـواوي ضانهـا
وقـام يْنتصـب نيّهـا مثـل التلـول وعبّت وعبّاها الشحم عـرض وطـول
صرح القوايم والعبـا هـدب الذيـول بِـجّ اللهود اللـي وسـاع ازغانـهـا
هـدف المناكـب والمراكـب والفقـار زوم الفخـوذ المستديـرات الكـبـار
وجنوب مثل جنوب سفـن فـي بحـار اثـنـا مراسـيـهـا ورواجـانـهـا
خبـط الخفـاف ام الأناسيـم العفـاف خفاف فيها حرف كـاف بوجـه كـاف
سريـة الا لـمـن فـكّـر وشــاف كـون لمـن كـوّن جميـع اكوانـهـا
ريحة عَبسها فارق عـن كـل طيـب يا كم شفت من راس عمس ما يطيـب
راي المجرب مـا يعارضـه الطبيـب والصدق أمانة ما نجـح مـن خانهـا
مرباعهـا ربـع بعيـد عـن الجبـل أقرب على "ريـدا" وقـرب"أم العبـل"
و"يبرين" هي أقـرب مواريـد السهـل وان سنـدت نذكـر بعـض قُلبَانـهـا
تارد على ل.."اطـوا" و"قربة"و"يْدمَـه" وترد الحصينيـة وب"أخبـاش اقلمـه"
"اقلمـه" لـي صـار للقيـط اكتـمـه كـم داجـت المجهـم علـى معطانهـا
تـارد " مشَيْنيقَـة " علـى عـدٍّ لهـا وتـارد شـروراً مشـرب شـفٍّ لهـا
وجـال الوديعـة فيـه حيضـان لهـا غرب المضامي شرق مـن ضلعانهـا
و"زَمْخٍ" و"مَنْوخ" من حسـاب عْدودهـا يامـا ويامـا مـن قـديـم تـرودهـا
مـواردٍ كــم رحـبـت بـورودهـا لـي قامـت الورقـا تجُـرّ الحانـهـا
وان اشمَلت منهـا لهـا كـم منهلـي على " تمانـي " وردهـا و"المنخلـي"
وتشمل إلـى "حمـر انثيـل" وتدهلـي مـظـامـي متـسـعـةٍ حـدّانـهـا
ولها موارد شَـرق مـن "حمرانثيـل ""شوّالة" اللـي مـا وردهـا إلا دليـل
ثم "العبيلـة" و"معمـورة" يـا جزيـل انثـر عليهـا مرهـشـات امزانـهـا
وان أشملت من رُبعها الخالـي قصـاد " خريص " و"رماح" لها غايـة مـراد
هـذي مواردهـا القديمـات الـجـداد مـنـاهـل لـلإبــل ولرعيـانـهـا
ولها من أعلى نجد " للرقعي" و"عـرق "سَهَـلْ سَهَـلْ ومقسنـلا فـرق فـرق
سُهول شبه المستطيلة غـرب وشـرق دَمـثـات وكثـيـر حـفـا قيعانـهـا
مداهل تجمع مـن البـلْ لـون لـون ألـوان حجّـاج ل"مـكـة" يقـدمـون
الوصـف واضـح والأوادم يفهمـون الكلمـة الـلـي يعـتـدل ميزانـهـا
البلْ هـي البـلْ مـال حكّـام العـرب اللـي تعبهـا راحـة مـا هـو تعـب
مـا ضيعوهـا ابنـا زيازيـم السـرب حمّايـة البـلْ وارضهـا واوطانـهـا
التسع منها خمـس ل"نصـاب" الزكـاة والعَشر بـ"نصانين" من غيـر مغـواه
وحسابهـا مهمـا تـعـلاّ مسـتـواه يزيـد الأنصـب ويـعـدا نقصانـهـا
حكم بثالث فرض من خَمْس الفـروض والفرْض يكفي عن مضامين العـروض
الحق للـي يرغـب الحـق معـروض مـا دامـت الدنيـا يعيـش انسانهـا
والمعذرة ل..اخطيـت فـي مختارتـي عـن آنساتـي سيـداتـي سـادتـي
وان حققت رضـا العـوارف غايتـي مالـي ومـال الغيـر مـن شتّانـهـا
وإلـى هنـا صـلاة ربـي والسـلام على الرسول اعداد من صلّـى وصـام
واطلب من المعبود فـي بيـت الختـام نصـر ، وذنوبـي نسألـه غفرانهـا