السلام عليكم
اذا انت ناوي على تدريب الهجن فهذا شي ماهوب هين. وان كانك تبي تنتج على ركاب طيبة فهذا ايضا ماهوب هين.
بالنسبة للتدريب فهو يتطلب طيب الانتاج اللي ناوي تدربه مع شوية حظ. واذا منت متابع يومي لتدريبها وتعليفها فالله يعينك على الخسارة وكثرة الاعذار لها.
اما اذا ناوي تنتج على ركاب سابقة ومعروفة فلازم انك تتعب على الهجن اللي بتشتريها من حيث اصلها ومن وين هي.
ومهما بلغ سرعة الفحل وكثرة انجازاته مع عمانية اصلها مادري عنة فالناتج راح يكون كالاتي :-
1- اذا الناقة جابت قعود فاغلب الاحيان راح ينفعك قليصة. وهذا الى حد ما جيد.
2- اذا الناقة جابت بكرة فالناتج تدريبها اللي يؤدي الى خسائر واذا تعبت من تدريبها راح تضربها ببعير معروف وبتلقح وهنا تستمر المعاناة كما في السابق.
احزم امرك ولا تشتري الا وحدة معروف اصلها ولا يلحقها شي في سرها لا من بعيد ولا من قريب والله يوفقك.
ولك تحياتي __________________
[align=center]سبحان الله وبحمدة سبحان الله العظيم
" جميع ما أكتبه ينم عن رأيي وتجربتي الشخصية " |