[QUOTE=عبدالهادي الغفراني;557443][glint]
لا والله الاّ شدوا البدو مقفين=ينوون دارٍ وسمها وابله جود
جاهم صدوق العلم قدهم مندّين=وأقفوا بقطعانٍ تواصيفها سود
إبلٍ مجاهيمٍ تحوز الحلا زين=ما فرّطوا فيها على العسر والكود
سودٍ كما الغربان أو كحلة العين=قدمي شحمها كنّه نصال ولهود
فج المناحر والغوارب ذراعين=والورك باب القصر ومن طوفته زود
وإذنين مثل حراب جند السلاطين=والعرف يا سبحان من صاغه جعود
ما تلحق الخضره من سبالها لين=قد للعرب شهرين من زمة العود
لا قرّبوا منها مع القدر قدرين=فاضت ويبقى في مواخيرها زود
وإلى تكلّم من هواها بصوتين=تكسر له الحقّه له الشوف مشدود
زين إرزمتها حزة الناس ممسين=تنهض صغيرٍ تالي الليل مالود
واليا تخطّا من عقب وقم يومين=ما عاده من الشد والسير مضهود
شدوا على شف المجاهيم عجلين=ما قهقروا الطرعات بشبوك وقيود
واليا وصلوا قاعٍ تشوق المفلين=صفّارها يلعب إلى هبّته نود
بنّوا بيوتٍ كنّها زرع يبرين=وطقّوا لمنزلهم من الذود مفرود
وشبّوا هشيمٍ ما توهجم ببنزين=ودنّوا دلالٍ تحتوي الهيل والعود
وتحدّثوا من ذودهم والحشاوين=ومسراحها والكسب والفال محمود
من صوت جرّتها فراحا وطربين=تدحن منارتهم غواليّها السود
ذاك الزمن والبدو مثل السلاطين=ما حسّبوا للمال والنقص والزود
الله يحب اللي يحب البداوين=واللي نساهم ميّت الحظ مقرود
محمد بن شرهان الدحابيب
=============================
يوم كلـن قـال ودي فالزمـان وودي
والتمني في كثير احيان مالـه خانـه
قلت ودي مجهمٍ يوم الوصوف تعـدي
وصفها ماكل شاعر ترجمـه بلسانـه
ظافية برطم عريضة لحي زينة خَـدي
خشمها نابٍ شـوي وكنهـا زعلانـه
واذنها ذيبٍ على رجمٍ طويـل معـدي
ورقبتها من مجاميع اللحـم عريانـه
كن بين عضودها شلفاً حديدة حـدي
بـارزٍ نسنوسهـا ومتونهـا مليانـه
فخذها بابٍ من الحجم العريض مصدي
لونهااسود والصفار مداخـلٍ فالوانـه
جنبها جزلٍ عريـضٍ بـارزٍ ممـدي
كنهـا بيبـان جيـبٍ شلحـو بيبانـه
اهزعٍ عرقوبها عنه النظـر ماصـدي
ماتوفيها حقوق الزيـن كلمـة زانـه
ذيلها يقصر عن العرقوب شبر بيـدي
مبدعٍ فـي خلقهـا خلاقهـا سبحانـه
شوفها تمشي ورى الراعي يبيح سدي
كنها عنتـر ليامنـه نطـح عدوانـه
وشوفها فمراحها قبل الرحال تشـدي
بيت بدوٍ طارحين اثنين من عمدانـه
لو تكلم كان قالت مابه احـدن قـدي
شايله كل الشموخ ورافعـه منشانـه
للشاعر الكبير / حزام بن سعود العصيمي
[QUOTE=فهد حمد العتيبي;557451]]يا زين سوق الجديد وضربة الخوبه *|* غب المطر لا سمر في الليل براقـه
سواقه اللي دليله يبخـص دروبـه *|* الموتر اللي عليه النفـس مشتاقـه
يجيـك بالعلـم والأنـذال ماجوبـه *|* جعله من الصادوف ما يرتاع سواقه
ليلة لفى جلعـوا بالبيـت ووأموبـه *|* واللي يثرّب يتلونه علـى الساقـه
عزي لمنهو وليفـه عنـه قفوبـه *|* قطعان بدوٍ تمارى في هوى الناقـه
قطعان بدوٍ على الصمان مجذوبـه *|* عقب السويبع تبيّن وسـط معلاقـه
كم مرقبٍ زايـفٍ بالنبـت حلوبـه *|* أهل قطيعٍ شكى الرجليـن ملحاقـه
في شف ملحاً زهت بالطوق دبدوبه *|* ملحـاً طويلـة عـدلـه ارقـاقـه
تقول دلةٍ من الرسـلان مصبوبـه *|* مترين عظم رقبتها قـدم وادقاقـه
دايم لحس المـودّه تلتفـت صوبـه *|* لا سمعته جـرت الحنّـه بونداقـه
يوم الضعيف جداه يحسـب ذنوبـه *|* ينبت ويابس خضار العشب مذاقه
الشاعر/محمد بن علي بن جغيثم السبيعي
]
وصــف فــحــل الــمــجــاهــيــم ,,
من تزاين بعيـره قـال عنـدي فحـل*|*مادرى إن الفحل كايد وصعب المنـال
مايجيبه سوى شيـك(ن) أرقامـه دبـل*|*عقب توفيق من بامره يسيـر الخيـال
أو ملق(ن) بـذوده عنـد مالـه شكـل*|*ماحسب للخسـاره والتعـب والحيـال
وين باغي الفحل يسمع وصوفه عـدل*|*وصامل العلم يكفي من هروج ن طوال
لايـدور مـع البـدوان غيـره بـدل*|*ولا يخلي لراعي العـذل منـه مجـال
إن نطحته عمـاره وإن دبرتـه جبـل*|*ولاعترض لك سفينه والمواطـي ثقـال
أفجح(ن) كن في ماطى رجيلـه خلـل*|*وأشول(ن) لامشى خفه يهبـد الرمـال
وفي رقبته وصوف(ن) من جريد النخل*|*واللحي سيف شيخ ن في نهار القتـال
والخشم يـوم قنـف وانتـزح مانـزل*|*كن لطيمس ورا جلدة لطيمـس خـلال
والأذاني رماح(ن) لـو كساهـا غـزل*|*حااقرتها النخاعـه والاذانـي طـوال
وله شدوق(ن) وساع(ن) ماتضم الاكـل*|*تجهده لقمتـه باسبـاب كبـر السبـال
لا لتفـت كـن فسبالـه وشدقـه ثقـل*|*ورسمة الخشم تو العين مثـل الهـلال
وإن مشى قلت وعر الارض لوهي سهل*|*ينتهض مقدمـه ويزيـد شكلـه جمـال
والسنام أقعس(ن) فيـه استـدارة هلـل*|*وغارب(ن) ماتشوفه فـي كثيرالحـلال
ولونه أسود غرابي مثل لـون الكحـل*|*ما تغيـر و لـو مـا لبسـوه الجـلال
وامه اللي مع البـدوان مضـرب مثـل*|*فاطر(ن) لاستذارت جا العوارف هبال
تدمع العين لا مـن جـات فالمحتفـل*|*ثـم غشاهـا زبدهـا فتنـة واحتفـال
كن فـي شدقهـا واستغفـر الله شلـل*|*جل من هو ذكرها قبل ذكـر الجبـال
كنهـا المملكـه والبـل تحتهـا فـلـل*|*وفرقها كنه فرق الخمس جنب الريـال
وله خوات(ن) رديتهـا تعـز الجمـل*|*وطيبتهـا غلاهـا مايـقـدر بـمـال
لعترضها العجل يركد ولو هـو عجـل*|*لكتست بالقلايد هـي وبيـض الحبـال
كان هذا بعيرك فانـت شغلـك عـدل*|*لاتلقـي جنـوب ولاتلـقـي شـمـال
وكان ماهـو بهـو واضنـه المحتمـل*|*فاطلب الله من فضله على كـل حـال
الشاعر/طالب بن راشد بن لفجح المري
اقتباس من بعض المشاركات في وصف المجاهيم التي تكتسح التصويت الآن