منتـديـات مــزايـن - عرض مشاركة واحدة - منافسه بين اهل المجاهيم والمغاتير والهجن .....!

08 / 09 / 2011, 06 : 01 AM

اقتباس:

المشاركة الأصلية كتبت بواسطة ناصر معجب العاطفي

ارحب يابو خالد تراحيب المطر وحي الله الجميع
وارق سنووووووووووووود يالدلبحي والزوبكي
اهل المجاهيم حطين الاستفتاء في ذا القسم اللي مااحد يدخله
والظاهر انهم متفقيييييييين هههههههههههههههه
ياسلطان ودهم بس مااحصل يبون الطرب والممشى الزين والطبع والهجيج لكن مااحصل
شي الا في الاستفتاء خلهم تنسمون شوي
لا جا المرابيع ان شاء الله وحطت المغاتير اللبيد سناد جاك راعي المجاهيم بروحلين وصدام يادافع البلا (بواري وليل ساري) لا وعينها في الارض تدور العلف حتى عرضهم في ام رقيبه تدور العلف هههههههههههه

مايلامون حطوا عرضها اخر شي
والله من الاجله يبون يغطون العيز و الجنايب اللي تلامع اجهروا اللجنه جعل القوم تراعها ههههههه
لكن يابو خالد انا بانصحكم تركبون بواري قطار ولا بوري ناقلة نفط يمكن تنفع ههههههه

يامرحبا والله ومسهلا يابومعجب

يامرحبا تراحيب المطر

والله اني صادق ...مرحبا ثم مرحبا ثم مليون مرحبا وكل مرحبا تنقل مليون مرحبا

والله اني شايف اسمك امس حاضر والظاهر انك رثعت بالمقهور وانطلقت من يدك ...والحمدلله ان الابل عقلها الله

واشلون الموضوع صاد وانت مشارك فيه

ولو انه صاد ابرك لكم .....صاد بالموضوع عن اهل المجاهيم

اما يوم يحطون المجاهيم اخر شئ في العرض

مثلك عارف ان المسك اختام المشاركات ولا بعد الطيب والعود قعود

تشوف حذف الغتر والعقل والطواقي واتشوف الرجال اللي تشوش في عرض المجاهيم

كن مزاين ام رقيبه ابتدا من جديد

اما بواري ناقلة النفط

مانزل السوق الى الحين

يابومعجب حنا عطينا اهل الوضح ثلاث ايام ...ولا التصويت قد انتهى له ثلاث ايام ..من واجب الغالب يمهل المغلوب

ويعطيه فرصه للنجاه واهل المجاهيم عطوكم المهربات ثلاث ايام

ماعاد تطلبونا شئ

الحين لازم يصير عندك روح رياضيه واتبارك لاخوانك اهل المجاهيم

الف مبرووك لاهل المجاهيم الفوز الغير مستغرب عوايدهم الفوز

واوعدكم بتصويت اخر قريب ان شاء الله يااهل الوضح

لكن علمونا وش القسم اللي تبونا نعلن فيه التحدي الثاني

وحنا حاضرين لكم في كل ميدان