منتـديـات مــزايـن - عرض مشاركة واحدة - منافسه بين اهل المجاهيم والمغاتير والهجن .....!

05 / 09 / 2011, 13 : 05 AM

اقتباس:

المشاركة الأصلية كتبت بواسطة بندر بن معيض المطيري

يوم ابن مشعان يلعب وايتمنا ...... قدّم المجهم على المغتر جوابه
الطرب شقحٍ يباريهن ضعنا ...... يوم جاء للورد هوبال وضبابه
زينة الخرطوم ناتبها فحلنا ...... هزعةٍ باسناد ما فيها حدابه
زين بالطرثوث لا قامت تحنا ...... في سنامٍ مثل نصبٍ في سحابه

البل كلها مبروك والولع والطرب والاناسه في المغاتير الي مايسوقها غير رحولها في مقدمتها

والمقطع الي حطيته يابوخالد البل الي تدخل في بيت الشعر انت عارف رايي فيه

ولكن مع هذا اشوف واحد خلاف البل يحدها ويردها والمغاتير الي تقطع الشعيب ماوراها احد اهلها قدمها وهي تتاليهم

ولاتنسى ودقق في المقاطع يابوخالد تصوير المجاهيم من خلاف

وتصوير المغاتير من قدام

ويعلم الله اني قبل كم يوم عند راعي مجاهيم يتشكى ويبي يقلب اباعره وضح

يقول ان بغينا نشد اتصلنا على عيالنا وربعنا يعاونونا وتبلشك في ممشاها

وان اعتزنا وبغينا نبيع ما جابت القيمه الي تسر والرجال اشترى وضحاء

واضربها على بعير طيب وعين خير من الانتاج وقال هذي الاباعر الي تونسك وتطربك

واليا احتجت تسد حاجتك

الفرق واضح ولايبيله تفاسير *** وضوح وضحا في كل ميدان

يامرحبا ومسهلا ياابوسلطان

ابك انت وان

منذ مبطي ماشفنا تصريحاتك الناريه

شوف وانا اخوك ماعاد هي لحية زين وطرب ودرهام .....الحين التصويت قدامك

والتصويت يرضي كل الاطراف

ابك المجاهيم مثل الابره والخيط من طيبها تتبع رحولها

والله ماتوخرت ولا وحده الا ناقه شريه ساقها الراعي علشان اتعرف طبع اللي قدامها خخخخخخخخخخخخ

وبيت الشعر ادخلن من تحته روحه وجيه امرار وتكرار بكل هدوء

والله ياابوسلطان اني واقف معكم وحطيت اكثر من فيديو في الوضح علشان ارفع معنويات اهلها لكن ماش

لاهنت يالقرم