منتـديـات مــزايـن - عرض مشاركة واحدة - منافسه بين اهل المجاهيم والمغاتير والهجن .....!

03 / 09 / 2011, 41 : 12 PM

اقتباس:

المشاركة الأصلية كتبت بواسطة محمد بن صنهات

اولآ كل عام والجميع بخير
ثانيآ مرحبا بك يابو خالد
وتحزم بي يامسندي
المجاهيم طال عمرك هي ابل العرب
والا بغيت تعرف فرقها وبركتها في المراح
العشر منها لا ضويت عليها تقوول ثلاثين خابط قدامك
اما المغاتير ثلاثينها كنها عشر
ولو جمعنا مغتر ومجهم في شبك تعرف الفرق بينهن كبيرررر
وعطني اغلا مغتر كم بيعت به
وقارنها مع غالي المجاهيم مافيه مقارنه حتى
با سعارها المجهم وصلت ارقام خياااليه
واما قولت الطرب
فهي للبل العجله في ممشاها وصحيح انها للمغتر لان الغالب عليها دايم وهي ماتسمع الا الصياح فيكون طبعها طرب دايم
وهل المجاهيم يحبون الركاده واكثرهم مايحب ان ابله تهج الا القليل منهم طبعها مثل المغاتير وصارت اعبر منها
وأنا شخصيآ أعرف راعي مجاهيم دوسري في وقت الربيع وعنده مناسبة غدا ذاك اليوم
ومجتمعين عنده أهل المغاتير صوب نجد
وتماروا بينهم بالهجيج من اللي بتروح ابله على الثاني
ووصلت تحدي بينهم فقام راعي المجاهيم معزبهم وعلق مفتاح الوايت السقس
في عمود البيت وقال ياهل المغاتير اللي منكم ابله بتروح على ابلي ياخذ السقس
والله مافيهم واحد تزهل بأبله ذاك اليوم .
صراحـــــــه يا بوخـــــالد انك قبستها الله يخارجنا منك ومن هل المغاتير هههههههههههههههههههه

تقبلو تحياتي جميعآ

يامرحبا يابوصنهات تراحيب المطر

انا اشهد انكم شعبتهم وحولتهم مع الريع ياابوصنهات

مداخله رائعه وتصويت رائع ولا يزال اهل المجاهيم مسيطرين على التصويت

شد محزمك واعصب راسك ياابوصنهات واخر يوم للتصويت يتحدد الفوز

ولو ان بدايتها واضحه وضوح الشمس لكن النتيجه هي الفيصل

والله ياراعي 79 مافيكم حيله