 رد: بخيت البرديدي : ولاتهون
اخوي الكريم فارس مرحبا بك انا مافهمت سؤال لكن بجاوب عليه على حسب فهمي لان سؤالك انا ماعرفت هل انت هديت البعير ولا لين اللحين ماهديت
اذا كنت هديت البعير فجوابه طال عمرك
1/ اذا انت ماتهده في الليل مع اماته فعشاه كافي
2/ واذا هو يمسي مربوط فخف عليه شوي النخاله لان النخاله ثقيل على البطن والشعير الحب ممتاز جداً لان فيه فيتامين (أ)
3/ والبعير اذا هاج وقفل واضرب وصار له فتره وهو يضرب يعني اكثر من اسبوعين معاد يضره كبر بطنه وهذا يسمى ( يباس البعير)
4/
اما اذا كنت الى الان ماهديته فأنصحك بالاتي اذا باقي على هدادك له اسبوع
1/ لايذوق النخاله ولا الشعير لمدة اسبوع ( قبل الضراب
2/ قيده وطول قيده وخله يسرح مع القاح لمدة اسبوع عشان تنفك اعصابه بالمسير
3/ واذا رجع نقع له البرسيم ( الصباح ) وسبحه ( والافضل برنوس منقع في ماء ويلحف به وكل مانشف ينقع في ماء)
واذا جاء قبل المغرب قيده وضيق عليه القيد وفكه في العشاير وانت معه وخله يدوج فيها ربع ساعه ورده واربطه وسبحه وحط له كميه بسيطه من الشعير الحب المنقوع ( علشان ماينقض )
4/قرب ممساه من العشاير لان ريحها في الليل يرفع راس البعير
** نصيحه اذا الجو حار يعني من الساعه عشر صباحاً لين الساعه 3 العصر وقت حرارة الشمس لاتقربه السبوح لان هذا يجيب للبعير او لغيره من البل (الصقر) والصقر يجي اكثر شي ركاب المظلات التي تعودت على المضلات وهذا ليس له علاج اي انها ماتحب شوف الشمس __________________
غطروفه الحاصله على المركز الاول في مزاين قطر
السوم / موقوف لعدم البيع
السن / مفروده |