 رد: تبي الحاشي فيه كبر وجل عظم وينمو بسرعه
اقتباس: المشاركة الأصلية كتبت بواسطة سيف القحطاني  ماشاء الله عليك يابو غنام طيب عندي سؤاليين اذا ماعليك امر ..؟؟؟ س/ هل المكعب مايحل محل هالمكونات والخلطه الي انت سويتها لان المكعب فيه نصف ما ذكرته في الخلطه ...؟؟؟ س/ هل يفيد للمفرود القصير القامه... لان عندي مفرود اقصر في القوائم من خواته لا بعده ...؟؟ س/ هل الخلطه تعطى مره واحده في اليوم عن طريق لقم بالخبز ولا لوحده ... ؟؟ ماقصرت ومنك نستفيد والله يشفي فهد بن خالد عاجلاً غير اجل..... |
يامرحبا ياسيف
حياك الله وانا اخوك
بخصوص المعكب مافيه إلا الصويا فقط ونسبه بسيطه هذا حسب مايقولون ولكن باقي الاصناف ماهيب موجوده ولاتدري بالاساس هل يوجد صويا او لا
هذي الخلطه اضافة للطعام الي تعطيه للبل يعني لاتقلل من طعامك خله على ماهو عليه وهذي عطها عن طريق لقام كل صبح
انا عن نفسي اخذ من الخلطه مقدار كاسين واعطي خمسة من الحشو بالاضافه للقام
يفيد الحاشي الي فيه ضعف في النمو والي نموه طيب ينفعه بعد
طبعاً هو مساعد وفيتامينات قويه وطبيعيه وإن شاء الله يفيد قعودك
وتعطى مره وحده في اليوم عن طريق لقم يكون أفضل ولو تحب تعزل الحاشي الي تبي تعطيه وتخلي طعامه لحاله وتعطيه الخلطه مع المكعب او الشوار مايمنع
للمعلوميه انا اتكلم عن تجربه البكره الي عطيتها صيفييه وحقه لكن اذا شفتها تقول مفروده ولاش حال ضعيفه مره يكفي اني اقولك مارضعت امها إلا اربع شهور يوم كانت حواره
والحين في طول خواتها وسنامها وش طوله ولله الحمد بالاضافه إلا شعرتها تغيرت ولونها __________________ ــــــــــــــــــــــــــــــــــــــــــــــــــ ــــــــــــــــــــــــ كلمتان خفيفتان على اللسان - ثقيلتان في الميزان سبحان الله وبحمد - سبحان الله العظيم ــــــــــــــــــــــــــــــــــــــــــــــــــ ـــــــــــــــــــ ____________________ .  |