 رد: الشرح الوافي بالصور للخبثه والذيخ ياهل الضرايب
يعطيك العافيه اخوووي حمد .. انا بنشدك وانشد اهل العرف ..
انا عندي الضرايب حوالي 15 ناقه ولا تعاشر منها شي .. الذيخ حكيته حك بالموس .. والصيد قطعت بعضه الموالي بس .. والخبثه مالقيت فالبل شي بين .. اكثرهن اللي جسيتهن احس ان الموجود عصب هل الخبثه ملمسها مثل ملمس العصب . وهل راس الخبثه ( النقطه البيضاء ) لو انقشها بالأبره يطلع بعدها باقي الخبثه ولا يطلع دم .. لاني لقيت في ناقه مثل النقطه البيضاء ولما نقشتها طلعت مثل القشره ونقرشت وبعدها طلع دم ولما ضغطت كان اللي بين لي لحم .
والشي الثاني انا ما اقطع الصيد إلا بعد الظراب . هل هو اصح ولا قبل الضراب اصح .. لاني انا اضرب عند زمول طيبه وبعض اهل الزمول لاشاف على الناقه دم تطير منها وقال لا خلها بعد اسبوع على الأقل ..
وعلى كثر ما اضربت اباعري ماعشر ولا ناقه .. وفيه ناس واجد يشتكون من هذا الشي .. وفيه ناس واجد يقولون اباعرنا عشر نصها وعقب شهر او عشرين يوم كسرت عشارها .
والله ماندري هو سبب الأعلاف ولا ويش ..؟
|