 رد: مزاد قعدان وفحول وضح من المبلشات
الله يرزق الجميع
ياوجد حالي على خمس ن منايح من الوضح
من نسل هيّاااااف ولاّ البااااااز من نسل رمان
ويصير من بينهااااااا بكره فريده من الشقح
الحااااااااااكمه أمها لكن أبوووووها كحيلان
أولاد مبلش سفر هلها بالأمدااااح والربح
أفعااااالهم داااائماً منهج مكااااااارم ونيشان
العووود يرحمه رب البيت باع وشرى سمح
وأهدى عياله خصال الطيب من غير نقصان
أولاد مرزوق يوم السيف والضرب والجرح
تنطح وجيه العدى لن ثاااااااار للحرب دخان
يشهد جبل حضن بالطولات وملاعب الرمح
يا تكثره يالبطين ويا دوااااااااااااااره وعنكان
يالجوهريه وإهار وساااااااااق بالفعل والقدح
والريع بالذات والمركاض وأيااااااام ريحان
أمدح هل المدح وأتنومس بمنطوقي المدح
والشعر قاااااافه بذكر الطيب يزها بالأوزان
الشعر عند العرب له قدر عالي وله صرح
مسلط قعيشيش مع شعواااان مفلح وشعيان
وعاضه بن عقيل يشهد للمحااااميد بالشرح
مثل الرياااحي وخااااالد بن حمود الصويان
وصلاة ربي عدد ما هبّ نود معا الجنح
على نبي الهدى المرسول للأنس والجان
بقلمي
سعد عبدالرحمن |