مساكم الله بالخير
انا ودي اعرف كيف يثقون بهالعماله ويعطونهم يتصرفون بحلالهم وهل بيعطون السعودي نفس الثقه، نعم يكدحون ويكدون العافيه ولكن ليش اذا كانت السلعه بيديهم طاروا فيهم السعوديين وشروا منهم واذا كانت بيد سعودي كسروه وبعد يمكن ما يسومون.
يالربع العماله استفرست ولا عاد همها شى ولاتقولون ارزاق وتنسون ان فيه شباب مجتهد يشتغلون ويقابلون الاسواق ولكن تجد مع العماله سيوله ومنافسه وللأسف ما يبقى من تجارتهم شي في البلد(تحويل اول باول) وكذلك الشي هذا شجع على هروب الرعيان اللي ما تجيبهم الا بطلعة الروح (لو تقدم على طياريين ودكاتره اسهل)
ولكن ودي اوضح امر للاخوان وهذا شى اكييييد
انتم خابرين ا اللي يسحبون رجليهم ولا يسولفون اللي متسدحين. والله مهم باذكى ولا اطلق منا ولكن كما تعرفون ان غسيل الاموال اخذ عدة طرق والسعوديين والحمد لله ما يخونون بلدهم ولا يضحون بسمعتهم وصعب اقناعه بهالامور الملتويه والا وش تفسرون وجود مبلغ 150000 الف مع سوداني راعي دنه وحاطها بمخباه، والله لو ان الوضع سليم ما قعد بهالديره يوم ( امشي دبي يا خي واعمل بغاله)
الوضع لازم يلتفتون له المسؤولين ولازم يتكاتف السعوديين، وتذكرون وش صار بالجنادريه قبل كم سنه، يعلمني سايق دنه سعودي ويقول انه عين خير ، لكن الوضع رجع وخفت الرقابه.
وشكرا |