بسم الله الرحمن الرحيم
السلام عليكم
ورحمة الله وبركاته
كيف حالكم ياأهل مزاين؟

**$الـــمـــجـــاهـــيـــم$**

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله يالمعبود ياخالق الناس = يالواحد الفرد الصمد ياإلاهي
استر عليه يوم ٍ تضيق الانفاس = ويكشف عن المستور تحت السواهي
ويارب تكشف عني الضر والباس = وتصون نفسي عن جميع المناهي
ويارب تبعدني عن دروب الأنجاس = وترزقني ذود من المجاهيم ناهي
منقية ٍ زينة ومعروفة الساس = سبال حديهن كنه سبال فاهي
والا لحاهن وافي وماله قياس = ومشرب حديهن مثل ماقيل راهي
وياشفت عرانيهن تقل شايف قواس = وخد ٍ طويل ومعه عرض الجباهي
واذانهن كأنها حراب حراس = أو أسهم ٍ تدلك الاتجاهي
وعلى حديهن راس ٍ يهول الراس = من كبره لروس الفحوله يضاهي
غير رقبتها الي تقل رسم كراس = (عريضة الجنبين واللون زاهي)
والطول لا شفته تبي تقول لا باس = يخدعك جل عظامهن الدواهي
ومع السنام المنفهق ذيل يحتاس = الي وصفه والوصف تلقاه واهي
واخفافها كبار وعراقيبها يباس = وممشاها مغرور ٍ بلبسه يباهي
ويبرا لهن جيب ٍ عليه اربع اكباس = شاص ٍ جديد ومالصنعه شباهي
أنا اشهد ان الذود عز ٍ ونوماس = ياعل يفدا الذود كل الشياهي
[/poet]
وسلامتكم