 02 / 09 / 2010, 21 : 08 PM | #25 |
| عضو مجلس إدارة تاريخ التسجيل: 29 / 03 / 2010 الدولة: نجـــد المشاركات: 3,163 معدل تقييم المستوى: 254 |  رد: هم جداً حول تسمية هجن هل هي صحيحه
مرحباااا يا نادر ويا محمد وبالجميع يشهد الله إني مستمتع ومتابع لنقاشكم وحواركم الهادف والأخوي وحبيت أشارك بما أن محمد وسع دائرة النقاش ووجه السؤال للجميع بخصوص بحر الهجيني وقد لاتكون مشاركتي إجابه على سؤاله بقدر ماهي تأكيد لما أشار إليه !! منقول : جريدة الرياض .. خزامى الصحراء من ألحان الشعر .. بحر الهجيني على خفاف وسرعة سير الإبل ينشد البدو بأصواتهم العذبة لحن أو بحر الهجيني وهو نوع من الشعر ينظم ويقال بصوت جهوري مرتفع ذي موسيقى محببة للنفس، يؤدى بالتناوب بين اثنين وفي الغالب يقال على ظهر الهجن أما في الوقت الحاضر فيمكن قوله أثناء قيادة السيارة لقطع المسافات البعيدة، وتأتي مفردة وكلمات الهجينة بسيطة وقوية وعميقة تطرب الأسماع، وهناك اختلاف في الألحان من مكان لآخر يقول الأمير محمد الأحمد السديري : تلعب بقلبي وأنا أطيعك وأنته سبب كل ما جاني أنا اللي أشريك ما أبيعك لو غلو فيك الأثماني والهيجنة ممكن تكون حزينة ذات شجن خاص مرتبط بشكل مباشر بفراق الحبيبة وبعدها ويخاطب الشاعر في الغالب العين أو الليل أو الرجم أو الصديق أو يخاطب الطبيعة مثلما فعل هذا الشاعر في هذا النص الذي لا أعرف قائله : ورد ياللي منبتك جال الثميلة ارتوى عودك من الغدران ريا ارحم اللي بالهوى حاله عليله ما يبات الليل مع نجم الثريا وارفق بحالي ترى حالي قتيله وانكوى قلبي بنار الود كيا احسب نجوم السما في كل ليله وان نويت أنام رمش العين عيا ما تطاوعني ولا لي فيك حيله واعذابي كان وصلك ماتهيا الدروب بعاد والسكه طويله ولو أروح هناك أنا قلبي هنيا حطني بعيونك السود الكحيله عن سموم القيظ بالرمش اتفيا دام انا وياك تجمعنا قبيله لا عليك من الحسود ولا عليا
إقتباس من مشاركة أخوي نادر : وانا اتكلم عن قبيلتي والقبايل المجاوره لها حتى الي نجران لايقولون هجن في الماضي يقولون الجيش وقبيلتي تسكن الطايف ونجد عتيبه وانا اقصد هنا ان جميع قبايل السعوديه تطلق اوتستخدم كلمة جيش وانا متاكد انهم لااحد يستطيع ان يخالفني الراي وهم قدسمعومن شيبانهم هذا ؟؟؟؟؟؟؟؟؟؟؟؟؟؟ المعذره أخوي نادر : أخالفك الرأي سمعنا من شيبانا : الجيش و الهجن و العيس و البوش و الذود .... = الأبل وأعلم أني توسعت في المفردات وأن الكلمه المعنيه هي : الهجن ولكن للفائده ولذكر الشعار لها وذكرهم كلمة هجن تحديداً
مشاهدة النسخة كاملة : يا ليتها معنا على الهجن ساعة يا ليتها معنا على الهجن ساعة حتى تعذر وجيهنا لا غدت سود بيت جميل جدا للشاعر والفارس الكبير / شليويح العطاوي .. رحمه الله نيلـه تطالعنـي بوسـط الجماعـة = وأظـن نيلـة لامستنـي بمنقـود ياليتها معنا علـى الهجـن ساعـة = حتى تعذر وجيهنا لا غـدت سـود فالليل نسهر مثل راعي الزراعـة = وفالصبح تصلانا السمايم على القود ميرادنـا عـدٍ تـعـاوا سبـاعـه = خاشرت فيه ذياب ونمور واسـود وتشوف فينا من فعـول الشجاعـة = وتشوف فعل اللي كما السدو ممدود وتشوف شغمـومٍ طويـلٍ ذراعـه = صبـار فالشـدات نطـاح للكـود وتشوف صمـال ٍ بتـوع ٍ بتاعـه = مثل الفهد يلفي من الصيد مضمود وتشوف خبل ٍ هدمته فـي قناعـه = لا ناقص ٍ ربعه ولا هـو بمفقـود ولا هو بطماع ٍ يجيـب الطماعـه = ولا يقضي اللازم ولا يكسب الفود
خلف بن هذال ونستي ملحا من البـوش غاربهـا سنـاد = فـاهـق سنامـهـا ناشـبـن بردوفـهـا بالخضيرا راسهـا كنهـا تطـرد جـراد = يخزي الشيطـان يـوم العيـون تشوفهـا والأذاني بالصناقر كمـا الشلـف الحـداد = افطـس عرنونهـا ضافـي غضروفهـا ذيلها ابتر, خوش عذروب والعرقوب عـاد = منشـزت نـداف قطـن ايديهـا تحوفهـا والعضـود مشمـره عن مذكاهـا بعـاد = يوم أحلي بـاب عجـلان بيـن كتوفهـا كتفها عن وركهـا عشـرة اشبـار وكـاد = والخفاف من الفحل والوصوف وصوفهـا هضبة متحنطـره دامـس فيهـا السـواد = قطعـة مـن ليـل تدفـن يـدك بدفوفهـا ديـرهٍ متنقـلـة مــن بــلد اليا بـلاد = القِرى في درها والـذرا من صـوفـهـا زاد من غابوا مديـدة ولافـي البيـت زاد = عاطفة من عاطفة مـا تخيـب أضيوفهـا ينطحك ريحه عبسها مثـل ريـح الزبـاد = كن مسك القيصرية بعـث مـن جوفهـا تقهـر الأعـدا نهـار المزايـد والعنـاد = كضمت مـن غبنهـا وصفقـت بكفوفهـا
مرسى العطاوية شاعرة تناقل شعرها الركبان في الجزيرة العربية من زمانها حتى الآن وشعرها يضرب به الأمثال ففي احدى السنوات حجت وسمعت بائع اللبن بمكة ينادي بأعلى صوته (لبن لبن) وعلمت أنه يبيعه للناس فاستغربت أن يباع اللبن لأنها لم تعرف أنه يباع بل يعطى فقالت: ياللي تنادي باللبن مالنا فيه**** عان اللبن في سد عبلة ملاوي خشم الينوفي والحوربارك فيه****مرب خلفات عليها العطاوي ومبهل وابا الحيران كان أنت غاويه****مرتاع بدو ماتلاهم شواوي ووادي الجرير إلى حدر من علاويه****وخشم الذنيبه والجذيب متساوي ترى الدعيكه والحفاير حراويه**** مرباع خلفات ترب المطاوي تلقا مصلحة الدبش كلهم فيه**** بالرجع اللي يذبحن الهواوي وربعي ليا جاها المجني تلفيه**** ريف الضيوف مزبنين الجلاوي كل جواده مع نحي الذود تتليه**** علط الرقاب معربات العلاوي
رائعه / نايف صقر في وصف الابل ياراكب اللي نحرها كنه البـــــــــــــــاب ............... بابً حشب زلفته جبر وجليــــــــــــــله حايل يهيم الجمل فيها وترتـــــــــــــاب ............... من هدرته لا لمع برق المخيـــــــــــــله ترعى ربيع الحمّى وزهور الاعشـــــاب ............... وعضودها فج ويديها نحــــــــــــــــــيله حمراً نحل خصرها ماشقت النـــــــاب ............... جمهاته راس فرقبةً طــــــــــــــــــويله
فسموعها خنجرين وقوف ومحــــــراب
............... وفعيونها جمرتين بــــــــــــــــــلا مليله
حرّة عدي وامهات وعطر وانســـــــاب
............... وتسابق العيس وتقود الجميـــــــــــله
ولها عـلى البيد صبـــــــــر ودل وآداب
............... وخفاف مثل الجنيهـــــــــــــات الثقيله
علىّ توصيفها كايد وعجـــــــــــــــــاب
............... وعلى وبر وركها ميســـــــــــــم قبيله
مافوقها الا الخروج وبندقً شــــــــــاب
............... دخانها من تبارح الفتيـــــــــــــــــــــله
وفخروجها ما يسد ايام واوجـــــــــاب
............... من بنّ خولان والــــــــــــــزاد وصميله
هي والرهاد إن عدت خلان واصحـاب
............... لو رركضها فالوطا يبرد غليـــــــــــــــله
وفالعرق الاصفر تلوّى كـــــــــــنها داب
............... وفالحزم والخبت صباره واصيـــــــــــله
ان درهمت كنها تمطر وتنســــــــــاب
............... وتنقض البعد تنقيض الجـــــــــــــــديله
من فوقها ياببناخي شايبً طـــــــــاب
............... خذ صاحباً يسبع الــــــــــــذيب بعويله
خله يخاويك نصاحاً وعتــــــــــــــــــاب
............... والا يسليك عن عابر سبيـــــــــــــــله
وحذراك غدر الظماء والجوع غـــــــلاب
............... المومن يضيع لو قلبه دليـــــــــــــــــله
الناس عز الله ان الناس الاحبــــــــاب
............... ان قاتله فالهوى والا قتيـــــــــــــــــله
هاك الرساله ومن ودا لنا جــــــــــاب
............... والهرج يكفيك عن كــــــــــــثره قليله
رسالة تقطع ارض وتعتق ارقـــــــــاب
............... وتصوم وتحج وتصلـــــــــــــــــي نفيله
يفتل بها المبهمات وصوف الاشنــاب
............... ويلقى بها للظبا فيّ وخميلــــــــــــه
بلغ سلامي الربوع وصحراء الاعــراب
............... ومن الحمام اغنيات من هديلـــــــــه
واذا تبهج وشفت لضحكته نــــــــــاب
............... ابشر بدوم السميّن عن الهزيلـــــــه
ثم قله الموت ذباح وغصــــــــــــــاب
............... فالخـــــــــــــــلق متعافيه والا عليله
الميت اللي يموت اسمه ليا غــــاب
............... لو وارثينه تنعم في حصيــــــــــــــله
وإسلم ولعلها تخطيك الاسبـــــــاب
............... ولك العوض فالرهيفات الصقيلــــــه
..............
المعاني :
حايل : لم تلقح
فج : متفرقه
شقة الناب : صغيرة سن
جمهاتها : جمجمتها
مليه : صغار الجمر في الرماد
العيس : الهجن
الفتيله : بندقيه ام فتيله
اوجاب : الليالي
الرهاد : الارض المنبسطه
العرق الاصفر: النفود
درهمه : مرحله من مراحل الركض
يسبع : يخيف
العويل : صوت الذئب
نداوي : من اسما الصقور
ماكر : عش الصقر
النثيله : ماطمن من الارض
بندر بن سرور
يامل قلـبٍ مـن معاليقـه أوجـف = أوجاف فـوق الهجـن كورالنجيـره
واصلـك ياعمـي جـواب مـزرف = مع واحـد نبـدي عليـه السريـره
ينسى عضـوده كـل ثـورٍ معلـف = مرغبـه زال الـمـوارد قصـيـرة
قلبه مع الضحكات يسعـد ويخـرف = أخـراف أهـل وادٍ تعاقـب ثميـره
الماكـر اللـي فيـه تبـعٍ تخلـف = ليافاض من عشـه تفـرق مطيـره
وخطوا البخيل اللي على السد يقصف = وان مـد لـه مـده لياهـي حقيـره
هو مادري ان الرزق للحي يصـرف = يعطيه من يعطي العطايـا الكبيـره
المال مثـل الفـي يرجـح وينكـف = واللـي يجيبـه لأبـن آدم دبـيـره
أما أنتبـه قلبـه وتـاب وتحسـف = وإلا لعلـه فـي عمـاة البصـيـره
الفارس الشيخ / سند الحليس شيخ قبيلة الحلسه من اولاد علي من الطفحه من برقا من عتيبه رحمه الله
قال الحليس اللـي عطـا مسلـب الخـلا
مـن فـوق حمـرا للـشـداد صـبـور
يازيـن حرفتـهـا وزيــن اوتلامـهـا
مـثـل ذخـيــر بالفـتـيـل يـثــور
حمدت اللي عطانـي مـن القـوم سربـه
بدو(ن) علـى عـوص النضـا وحضـور
رضـاي يرضيهـم وغيضـي يغيضـهـم
لـيـا نـشـرت البـيـرق المشـهـور
وان ضاق صدري قلت يااهل الركب نوخوا
ارض(ن) مـن البيضـا حيـا ممـطـور
وفكـوا ركايبـهـم ونــادوا وديعـهـا
راعــي الـركـاب الجـيـد المـذكـور
وقال ارجحنوا يااهـل الركـب واسكنـوا
واخـذ الفـرنـج الـقـدم يالمسـحـور
وقالـوا لـه المسبـار وايــق قذايـلـه
مـن خـوف اهـل هجـن وراه سـبـور
لومك علينا ان حـل فـي الـدار غيرنـا
لـو كــان حـددنـا الـديـر بقـبـور
ودنـوا لـي الخمـره ودنــوا بناتـهـا
مصـاف(ن) لطيفـات وســاع نـحـور
ومحماس جابوه العوارض مـن ارضهـم
وزبـاد(ن) علينـا كـل ســاع يــدور
وبـن(ن) يمانـي كـن وصفـه وحليتـه
يشـدي رقـوم(ن) فـي خـدود الحـور
شربـنـا وثنيـنـا بـوزعـة خـويـنـا
مـن خـوف لايلحـق مـنـه مسـعـور
قصيدة رمزيه
تركي بن حميد
ياراكب اللي مايدانـي الصفيـري
همليع من نقـوة الهجـن سرسـاح
امـه نعامـه واظربوهـا بعيـري
جاني مشبهاني علىآ خف وجنـاح
عليه خرج من سلـوك الحريـري
عصاه عود البروقه عقـب مافـاح
يسرح من الطايف ويمسي البصيري
سفايفـه مثـل الغرابيـن طـفـاح
مزهبك ياراعيه تمـر ومضيـري
واحذ تشب النار يجفل من الضـاح
والى ورد يشـرب ثمانيـن بيـري
غرافهـن تسعيـن ودليهـن مـاح
رجليه بالحـره وصـدره يسيـري
ويشرب براسه من على جمه رماح
ياويش هو شي طويـل قصييـري
يسبق زعاجيل الهوىآ يوم تنمـاح
والأمثله على ورود كلمة هجن ضمن قصائد الشعار كثيره ويكتفى بما ذكر للفايده والإحاطه
تحياتي للجميع
|
 |  |