السلام عليكم ورحمه الله
انا كانت عندي ناقه نفس الحاله بعد بس ناقتي كانت لها ولدتين ومن بعدها تقريبا 4 سنوات ما القحت ضربناها مره وصارت اتشول شوال اللقحه ومرت عليها سنه وخواتها ولدن وهي بعدها وطوفت اكثر من سنه وبعدين جبتلها الدكتور ودخل عليها ونظفها نظافه طيبه وطلع منها اشياء اول مره اشوفها وحطلها حبوب تقريبا 10 حبات وابرتين مضاد حيوي ومن بعد اسبوعين ضربتها وبفضل الله لقحت وصملت وجابت بكره لله الحمد والمنه
ولد عمي عنده نفس الحاله ناقه منتجه وسبوق وطوفت 3 سنين ما تلقح اتشول والبعير ما يبيها ونظفها تقريبا 4 مرات كل شهر مره ومن بعدها دور بعير صارله سنين ما ضرب وفكها وياه في نفس الشبك شهر كامل وقام البعير يضربها يوميا بروحه ومن بعدها لله الحمد والمنه القحت والحيم مدني من 6 شهور تقريبا |