المشاركة الأصلية كتبت بواسطة حاصل اليامي

اخوي نادر مرحبا بك

وجهة نظرك محل التقدير والاحترام مع التحفظ على بعض الجزئيات في موضوعك

-الزين الفاخر اللي نشوفه في المزاينات اغلبه من سلالات عربيه معروفه وانا اقول اغلبه لان هناك شيء بسيط ومن قلته دارت حوله الشكوك وهو معروف عند الكثير وهذه السلالات المعروفه بالزين من المجاهيم الاصيله لا اعتقد انه يلحق زينها لا باكستاني ولا سوداني ولا غيره والحمد لله محافظ عليها ومنتشره اكثر من اول ولكن اين ؟؟؟؟؟؟؟ عند التجار اللي خذوها بعصيها يوم الرخص وارخصوا لها الملايين يوم غليت ويستاهلونها واهلها الاساسيين يستاهلون اقيامها اغتنوا منها وعينوا خير ولذلك تجد راعي البل المقيمه المشهوره بالزين ما عنده الا خطوا ناقه ولا جيت المنقيات لا والله ان وسومها من كل ديره ...اما التهجين فصحيح انه موجود لكنه بين ولا يرجع له الا اللي ما يقدر على الاصيل الفاخر اما اهل الامارات فهم هل الصنف وهل الزين ولذلك تجد اكثر زيان الجزيره عندهم وجعل فيه العافيه كلنا اخوان وشعب واحد ويستاهل البل من تعب عليها وعطاها حقها اما اللي ماهي بزينه فهذي ودك ما يتعب عليها سواها اصيل والاغيراصيل ومحلها اما القصاب والا يشد الكتب في ظهرها على قول بن جدلان: بعض القراشيط ما تستاهل الضمه ...ما غير عبوا لها الوايت وعشوها جعل ما هي بمعنا ولا معك ...واخيرا تقبل مروري مع خالص الشكر والتقدير