المشاركة الأصلية كتبت بواسطة حسن الحويماني

مساك الله بكل خير يا احمد


ابعطيك حلول وانت جرب منها

اذا الابل مكرمها راعيها ماهي برايحه من مراحه هذا شي معروف

لاكن اذا انت توك مجمع الابل يجب عليك ان تصك عليها في شبك لين توالف بعضها بعض الابل لاما شافت ولايفها راحت وخلتك بس صك

عليها تاخذ لها حول شهر وانت مافكيتها واذا الابل في شبك فكها يومين وخلها تدوج لين تطحن الحب اللي بروسها

ورجعها لا غابت الشمس خلها تدري انك تبي تطلعها دايم ولا هي بطالعه عقبها انشاء الله



ثالثا عندي لك حل ومجرب ونجاحه 90% لامن الابل ضون للمراح اجها بعد غروب الشمس ولا تسمع لاحد صوت يعني خل مراحك هدوووو ورح للابل وتغط بفروه او بشت

وجها من بعيد ورح من يمينها ومن يسارها وصح عليها بصوت يخوفها يعني مثل صوت الذيب او ماشابه بتلقها تصتك فالوايت وماتبعد عنه لين تصبح
ولا تسوي مثل واحدن قلتله تلحف بفروه راح وتلحف بكيس شعير ويوم قرابها جات الابل وهبدته وقامت عليه تحسب انه شعير مليان هههههههه
(ههههههههههههههههههههههههههههههههههههههههههههههههه هههههههههههه)
رابعآآآ او لامن ضون شف البكار لابركن عقلهن وهن مباريك وصك على حيرانها

خامسا مثل ماقالو اخواني اللي قبلي كب لها فالمراح خبز او شعير


وفيه حل الاخير ومتعب شوي صك على البكار والحيران في شبك وخل امهات الحيران برا ولا هي برايحه الابل كلها ان شاء الله


هذي من الحلول او بعض الحلول اللي اعرفها فالابل

واي سوال انا مستعد اجاوبك عليه

وترا الابل كذا من عرفت الدنيا لابد تغدي وتلقا وهذي حلاتها لا بغيت الصدق بس اذا طبعتها ماعليك ان شاء الله ماهي برايحه

والجهاز مامنه مصلوح ان شاء الله وابلك ان كان تقول هذا عيب فيها ماهوو بعيب

اللهم انهن مشاغيف يبن البر وذبت الريع الله يبارك لك فيهن

وسلامتك