| عضو نشيط تاريخ التسجيل: 08 / 08 / 2007 الدولة: المملكة العربية السعودية المشاركات: 392 معدل تقييم المستوى: 226 |  هل تريد تطوير الانتاج في الابل المزاين والفحول تعال وشارك معنى في التطوير
السلام عليكم ورحمة الله وبركاته
حبيت يا اخوان اكتب موضوع هام في التطوير في انتاج المزاين وكيف اختيار الناقه والفحل في الانتاج ولكي يظهر لدينا في المستقبل بكار او ابل مزاين او تدخل في تطوير الانتاج في المستقبل وارجو من الاخوان الي لديه أي افكار انا لما اذكرها او قد نسيتها ان يشاركونى بالموضوع و يعطونى رائيهم ونحترم رائي الجميع وهي كالتالي : -
1- الفحل يكون اصله طيب وامه طيبه وانتاجه طيب واخواته طيبات واقل شي يكون اغلب انتاجه طيب من بكره او قعود ومن معمق طيب او يكون انتاجه فوق الوسط يعني انتاجه اقل شي يكون ابل انتاج يعني من ناحيه الشكل واوصاف الناقه المنتجه من الشكل وقل الحم وسناد الرقبه وطول الرقبه والعمر عشان في المستقبل تكون ابل انتاج هذا اقل شي ماتكون قصب يعني لاشكل ولازين هذي مشكله .
2- الفحل لابد ان يكون الراس كبير والحي طافح والخد عريض والسبال ضافيه
3 - طول الرقبه والتي تكون عاريه من الحلم وتكون سناد وليس يوجد فيها عناج او نزول للاسفل وان تكون ممتده الى الى امام وسناد اذا كان الفحل واقف يكون سناد واذا كان ماشي يكون سناد لان فيه بعض من الناس يقول اذا مشاء الفحل سناد لاكن اذا وقف الفحل رقبته تكون رديه مره وفيها عناج او فيها نزول للاسف او قرعه ورديه ,,
والاهم ان تكون مواصفاته عاليه عشان ينتج بكره اقل شي تكون انتاج في المستقبل لو قدر الله وكانت البكره من النوع الوسط اقل شي تكون بكره انتاج بكره سناد وجردا من الحلم وقليله لحم وفيه رق وعمرها يكون وافي .
4 - ان يكون الاصل طيب من ناحيه ان يكون عياله مايكون هجرات يعني لازم يكون انتاج الفحل لعياله اجرامهم واعمارهم كبيره والجنب يكون طويل والغارب وسيع . والعرقوب طيب كانه اذا مشاء يتنكس واسند الرقبه يكون شكله طيب ,
5- اختيار الناقه مثل مواصفات البعير والي مايقدر على نفس المواصفات يختار الناقه المتوجهه يعني اقل شي تكون قليله لحم وفيها رق وعمرها طيب وجرمها طيب وجنبه زين ماتكون لقمه وقليله عشان انتاجها مايسحب عليها لان الام تاخذ مايقارب 70% وعلى حسب بطن الناقه واصلها وان تكون الناقه سناد ورقبتها ممدوده الى الامام وراسه كبير شوي او مايكون عليها طاقيه وعرنونها يكون زين وخده لازم يكون عريض ولحيها طافح عشان لو تعرضها للبعارين المنتجه باذن الله انها تنتج وتكون رقبتها طويله وسناد ماهي غليظه من الحم او قصيره وعليكم بالابل الي تكون دقاقه ومافيه لحم واجد .
وهذا التطوير يكون في ابل المغاتير خاصه وفي المجاهيم عامه في اختلاف بعض الاشياء في بعض من الالوان من ناحيه الاذاني وبعض الصفات التي تمتاز فيه الابل المغاتير او المجاهيم ولاكن بالاساس انا ذكرت الاشياء المهمه التي تتصف فيه ابل الانتاج او المزاين بشي ولو قليل ..
وانا في انتظار الجميع في المشاركه وطرح الاشياء الهادفه التي تصل بالابل الى مستقبل طيب وابل طيبه باذن الله .
اخوكم ,,,, عبدالله
ig jvd] j',dv hghkjh[ td hghfg hgl.hdk ,hgtp,g juhg ,ahv; lukn td hgj',dv |