وبالمناسبة هذا تصوير فديو لفحلي الهويملي اللي ظرب الناقتين فحل كفو كفو أبوه بايعه الأمير نايف ابن مساعد هرش بمليون ومائتين
http://mzayan.com/mlffat/index.php?a...getfile&id=104
http://mzayan.com/mlffat/index.php?a...getfile&id=105
وهذا مقطع لحوار جايني العام من الفحل
http://mzayan.com/mlffat/index.php?a...getfile&id=106
يارجاجيل ترى هذي فرصة لكم مادامي نويت البيع تعدلوا بالسوم وتراني بياع والفحل اللي معها للبيع والله إنه كفو فحل مزيون راس وساسه معروف واعلومه وافيه أول ماشريته من الأمير أعطاني واحد فيه مائة ألف كاش ولا فكرت بالبيع بهالقيمة لكن أنا الحين اشتهيت البيع ونويت واللي صامل لايدع الفرصة تفوته فحل وخلفة والقحة وكلها اخيار لكن أبي أسمع الأسوام اللي تسر الخاطر وتراني أببيع والفحل توه شاق وهذا البطن ثالث بطن له والفحل سالم من كل العذاريب والحمدلله ولو هو لاقي النياق الزينة كان انتج منها وراح فوق فوق لكن مايظلم مثل هالفحول إلا النياق الوسط تستهده فيها ثم تبيه يطرح نوادر هذا الكلام ماهو صحيح أبد وخصوصا في المجاهيم لأن إنتاجها عسر والناقة تعيي على البعيرعموما ماأبغا أطول الشرح على أهله لكن الكلام يجر بعضه بعض........ وسلامتكم __________________
عَنْ حَكِيمِ بْنِ حِزَامٍ رَضِيَ اللَّهُ عَنْهُ، عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :
"الْبَيِّعَانِ بِالْخِيَارِ مَا لَمْ يَتَفَرَّقَا،
فَإِنْ صَدَقَا وَبَيَّنَا بُورِكَ لَهُمَا فِي بَيْعِهِمَا،
وَإِنْ كَذَبَا وَكَتَمَا مُحِقَ بَرَكَةُ بَيْعِهِمَا ".
رواه مسلم في صحيحه (1532). |