عراض المثاني جملةً والنحور وساع = وفجحً شمايلها عن الوزر قفريه
تفاهق سنام ظهورها اللي يجي له باع = طوالً غواربها سنادً هلاليه
ليا قاسها المربوع شبراً ورا لكواع = طوال الرقاب مقلداتً بمقطيه
يجي خدها شبرين كان الهدف ماضاع = مربع هوامً بين شلف اليمانيه
لياما اقبلت كنها هنوفً بدون قناع = طويلة قوام وشافت اللي تبي جيه
بها من بنات الريح زوم وفخر واطباع = تشانق بسيرً كايداته مواطيه
للشاعر // ناصر ابن لقرع |