المشاركة الأصلية كتبت بواسطة علي الحربي

عبر الاماكن ياراع الصنف خذ صوره@@عن نخبة الوضح وافهم في مزاياهـا
وضح الطهيمي بزين الوصف مشهوره@@لو شفتهـا شـوف ماتقـدر تعداهـا
لياعرضت واحدتهـن تقـل مغـروره@@من زود كامل ثقتها تسحـب خطاهـا
راع الولع والمزايـن يفقـد شعـوره@@لا شافهـا يـذكـر الله ويتمنـاهـا
أثمانهـا باهضـه ماهـي بمقـدوره@@واوصافهـا نـادره ماظـن يلقاهـا
جهود رجل الوفاء والطيب مشكـوره@@منقيته طيبهـا مـن طيـب مجناهـا
تفخر بها حـرب والحسـاد مقهـوره@@صفوة مغاتير وسـم العـود يزهاهـا
يشبه شعار التحالف يوم اخـو نـوره@@دون الكويت انتخـى واهـان لعداهـا
الاسم مشهـور والافعـال مخبـوره@@يوم الجزيره يعج الخـوف باجواهـا
يقوله اللي ماعمره غـاب عـن دوره@@وليـا دعتـه المواقـف ماتعـداهـا
والله يعز الوطـن ويسلـم صقـوره@@والمملكه عن يديـن الشـر يحماهـا

( الشاعر : رشيد محمد الفريدي )