من الذي يدير محرك الأسعار ؟
المنافسه بين الهوامير على امتلاك الطيب ورغبة الهوامير في تقليل المنافسين لهم من اهل الصنف اللي دراهمهم ماهي بواجد ويسبقونهم دايم على الزين
وبرفع الاسعار يضمنون ان السلعه الطيبه لن تباع على اول زبون حتى يصل الخبر لهم ويعرفون عنها وياخذونها بما يريد صاحبها
ما الغاية من ذلك؟
الكل منهم يريد الاستحواذ على الطيب دون غيره وجذب ملاك الابل الفاخره للطمع في الزود في القيمه عنده
من المستفيد الأول والأخير في الموضوع؟
المستفيد الاول المالك الاصلي
المستفيدالاخير من انتهى بها المطاف عنده
هل الاسعار بأسباب القوة الشرائية للريال؟
الاسعار بأسباب تمسك المالك وتنافس الهوامير والطموح الى الفوز على اقرانه في المهرجانات الكبار مثل ام ارقيبه والظفره
ويبي اذا رجع لابله وهو جاي من مزاين قوي ما يعيف ابله
من .........ومن، اسئلة كثيرة وكبيره منها ما هو معقول ومنها الغير منطقي ومقبول
ولكنها بالفعل ظاهرة تستحق الوقوف والتمعن فلكل شيء بادية ونهاية فهل يا ترى:

قربة نهاية أسواق الإبل الغير منطقيه ونرى حركة تصحيحية أسوة بمثيلاتها من أغنام وخيل وغيره !!!
مازالت الاسعار عاليه وليتها في الصنف الطيب كان زين ولا احد بمجبور اللي يبي الزين يشتري واللي مايبي الزين يروح للرخيص
ولكن الارتفاع وصل الى الذبايح والذبايح الكل مجبور عليها اذا جاء واجبها وقبل وقت قصير كان الذبيحه الطيبه ب 500 ريال والان 1000 وحبة خشم

وانا ارى ان ارتفاع اسعار الصنف الطيب ماهو متضرر منه احد بالعكس ينفع راعي السلعه ويرزقه الله بما يوفي ديونه ويفرج عليه ويعدل اوضاعه في بكره او ناقه وحده وهذا من فضل الله على العباد

وبعدين ياعبدالرحمن اللي مايقدر الغالي يدور للمناسب ويلقى حلال كثير واقيامه معقوله