[ناصر اليامي]

المشاركة الأصلية كتبت بواسطة أحمد بن عوض المطيري

السلام عليكم ورحمة الله وبركاته

اتشرف في السبق في ساحات عرض المجاهيم
لعرض القعود خشبان جده بعير السكيني اللي شراه سمو الامير الملكي سلطان بن عبدالعزيز حفظه الله ورعاه بقيمة سبع مليون ...ليكون من اشهر الفحول المسماه في جزيرة العرب
الحقيقه شاقني وهالني كبر وجبر وزين القعود مع العلم انه لايزال سنه حق
من اروع القعدان اللي يبي يكون له باذن الله شان في المستقبل
القعود اسراره من جهة امه غالي ومن جهة ابوه معروف ومشهور والقعود مايحتاج مدح ولا يحتاج دعاية واعلان
اللي يشوفه يذكر الله سبحانه
القعود خشبان للاخ والزميل في منتدى مزاين علي بن محمد الصقور






استسمح اخونا وزميلنا العزيز علي بن محمد الصقور اليامي في موضعنا المتواضع للفحل خشبان
وللمعلوميه القعود تم تصويره اثناء تواجدنا في سوق مزاين ام رقيبه ...وحسب معلوماتي المتواضعه ممكن يتم بيعه في ام رقيبه لذلك انصح اخونا علي الصقور بان يعرض الروابط في سوق المجاهيم لان اعضاء منتدى مزاين
ماعندهم خبر عن عرضه في سوق ام رقيبه

http://www.alhadafa.com/uploadedfiles/vedios/1156.mp4
http://www.alhadafa.com/uploadedfiles/vedios/1157.mp4
الله يوفق اخونا علي بن محمد الصقور بالقعود الغالي خشبان

السلام عليكم ورحمة الله وبركاته
الأخ الكبير والأخ العزيز احمد بن عوض المطيري
حي والله عينك يا ابو خالد
وحي والله اسلوبك وأخلاقك الطيبه .
وجعل والديك الجنه .
خشبان قعودك ولا يحتاج تستاذن يا ابو خالد
تحياتي لك واحترامي .
أخوك / علي بن محمد اليامي .