زين مقناص الخلا والوقت توه --- الحباري واجده والعشب ساده
في فياض مارعى فيها المدوه --- وراعي المخيال ماثبت وكاده
قال منهو باطيب ابياته ينوه --- في الحشيم اللي سنام المجد راده
جعل يسلم بوخليفه في المخوه --- طيب فاله ومقناصه ركاده
كاسب المعروف واطناب المروه --- يعجبك طيره الى اطلع في هداده
من زمان في القنص ماهوب توه --- وين راعي العرف يصدر له شهاده
اشهد انه في خويه ماتفوه --- لاقفاه ولارمس فيه بنقاده
خوة الشرهين تشرى ماتشوه--- يوم ولد اللاش ماوسر شداده
=================================
أررررحب يا ابو ماجد
حيه وحي علومه الزينه
ومثل ما قالوا سوالف الطيب تلقاها عند أهل الطيب
وأنت منهم يا ابو ماجد
سالفة جميلة الله يمتع بأيامك
وصح لسااانك وسلمت يمينك
ويستاهل المدح من حصله
تقبل خالص الود
أخوك __________________
العمر رحله والليالي ركايب=خطواتنا قدام لا يمكن تعود
نأخذ من الدنيا دروس وتجارب=والله يجمّلنا مع كل مردود
خالد بن عبدالله السبيعي |