يامرحبا ياعبدالعزيز الله يعطيك العافيه
بالنسبه لاستفسارتك عن الادويه
الامريكيه اللي تقول ماقد استخدمتها على حسب علمي
الفيتامينات انا من عرفت عمري ماقد استخدمت هالادويه بعد الولاده نهائيا والبل حالها زين مافيها شي
ولاكن قبل فتره عقب ما بدات الاعراض ذي عندي
اول مره استخدم قوطي فيه سائل ازرق يصب مع الشعير ويقول لي انه فيتامينات
اما بالنسبه لاسماء الادويه ياخوك مادري وش اسمائها
لاكن باقول لك وش استخدمت من البدايه
اولا حبوب دود عقبه بفتره ابرة هيام عقبها حبوب دود لا كن نوع ثاني وهي تجي 15 حبه
وعقبها كررت الجرعه وعقبها ابرة هيام وابرة يقول تاخذ 25 في اللحم وهي منشط للاكل لمدة اربع ايام
طيب اذا خذيت العينه وين اوديها للصيدلي ؟؟؟
وهل لاوديتها بيقول فيها الشي الفلاني والى بس الامراض اللي تبين في الدم
ابو عدوه حياك الله مرورك تشريف يالغالي لموضوعي
بالنسبه لكلامك صحيح ميه بالميه المهيومه معروفه ولاكن ياخوي حالها تقول مهيومه ولادري وش اسوي بها والادويه ياخوك والله وش نسوي نبي يستصح حالها ياخوك اشين مافي مراح الواحد لا شاف له مطية حالها ردي وهو ماقصر في شي
اما بالنسبه لكلامك تقول خيوط الرودس فجائز كلامك
ولاكن الناقه يووم تشوفها مستبدنه ويوم ضامره تعد ضلوعها
ولاهنتو على مروركم العطر __________________  حنا الدواسر ممنـت كـل خايـف
دايم على العليـا تواثـب جهودهـا
حنا هـل القيمـه رجـال الشيمـه
دواسـر كسـب الثنـا مقصودهـا
حنا هل البـل مـن قديـم وتالـي
فنس الخشـوم اللـي زياناًخدودهـا
تفرح بنـا لاصـاح صيـاح ريبـه
لا حنـت الفاطـر تبـي مفرودهـا |