السلام عليكم ورحمه الله وبركاته

حبيت أن أعرض لكم هذه القصيده وسببها أن أحد الأشخاص عندما باع إبله أخذ يتعذر بأعذار وأسباب بيعها ويقول ماتصلح وخساير ومافي فايده وتعب والشعير غالي إلخ إلخ وقلنا هذه وجهة نضرك وكيفك وكل بقدرته وعقله ولكن تمادى بالقول وقال أنتم منتم صاحين وتخسرون خسايرمالها معنى وطيعو شوري إلى آخر الكلام اللي أثر فيني وجعلني أقول هالأبيات وسامحونا على القصور:



قـال منه زان فـكره بعـد مـا جـاه النـذير
من هجوس(ن)لو يغني كل حرف(ن) في قراره

ياهجوسي وش جرى وش صار فالوقت الأخير
صـار كل النـاس تحسب للتجارة والـشـطاره

يـامحسبة الخـساير كـم وصـل كيس الشعير
لاتـحسبون الـبداوه مـثـل شـربك للـزقاره

كـل مـا جـيـت أتفكر بالـبشر عقلي يحيـر
تكفى قـلـه يابـوتركي مـاحسبنا للـخسـاره

شـوقنا زرفـال شعل(ن) روحن عند العصيـر
يـطربه صـوت المغني تقـل يجدحبه شـراره

والـفحل مـن ساس طيب يطنخك عند الهديـر
يـذكرالله مـن يشـوفه كـل مـايدرج احـواره

والـتجاره مـاهي عـيب ولاهي شر مستطيـر
الـتجاره سـوق منهو يـعرف اعروض الـتجاره

وكـل واحدله نصيـب مـن قليـل ومن كثيـر
وكـل شـي(ن) مـا قسمه الله مـالـك فـيه شـاره

والـنصيحه تنشرى فـي مـاضي الـوقت إبعير
وإمـا هـذا الـدور مـن ينصحك تحسبها عيـاره

رح تمشى فالـبحر فـي مـوترك وشرب عصير
وإربـط الـحزام جيـد وحـترص تـقطع إشـاره



جاسم محمد سهيل الشمري

الـزوبـعـي

الموضوع الأصلي: قصيدة : البداوه والعصير بقلم جاسم الزوبعي || الكاتب: جاسم الزوبعي || المصدر: منتديات مزاين

المصدر: منتـديـات مــزايـن