مجموعة التكريم  تاريخ التسجيل: 17 / 06 / 2007 الدولة: السعوديه المشاركات: 1,259 معدل تقييم المستوى: 245 |  البل نهار العيد عيدي عندها
هذه القصيدة للشاعر سعد بن سمعان ال سعد القحطاني عندما كان هو وابن عم له يقال له سعد عند ابلهم وغاروا عليهم القوم وطاردوا عند ابلهم وعانهم الله وافتكوها وبعدها تهيض الشاعر بقصيده طويله لم احفظ منها الا هذي الابيات واللي يحفظها كامله يوردها لنا ومجزي بالخير ان شاء الله
عديت في مبرية عصريه = ودموع عيني غرقت هدبانها
وردت انا بابلي قليب عيلم = قدنا صلاة العصر من مقطانها
واثر سبر القوم يشبح فينا = من فوق صفرا ماسك بعنانها
عود على ربعه يبشرهم بنا = البل صدير واقبضوا رعيانها
جانا ثمان فوقها ثمانيه = والتاسعه طاحت خذيت عنانها
يوم ان خيل القوم جت عند ابلنا = ضيعت انا من بندقي صوانها
وضربتهم بالبندق المسميه = في روسهم كسرت انا خشبانها
نعم بسميي يوم جونا عندها = هو من يسار البل وانا بايمانها
سعد ضرب له سابق مرشوشه = خلف العضود وقدم سير بطانها
وانا عقرت اللي كبير راسها = صما الحوافر سودسوا حذيانها
وعقرت صفرا ما يوصف مثلها = والشيخ الاخر طايح بوزانها
تباشري بالفك يا حم الذرا = يوم اللقا واللفح من ذرعانها
كله لعينا الفاطر ام شماله = اللي تبشر بالشبب ظيفانها
وكله لعينا اللي بهول شقها = حليبها يصفق على سيقانها
وكله لعينا الحايل اخت ام الفحل= كبيرة الجمهاه بين اذانها
وكله لعينا البكره العمليه = رديفها ما مل من حجبانها
وكله لعينا جل ذودي كلها = تفرح بنا لا ضيعت حيرانها
امي توصيني وانا في كفها = امنع صخاف الشول من قيمانها
وانا عبيد البل وانا عبد لها = والبل لها شان وانا من شانها
والب نهار العيد عيدي عندها = يوم الصبايا حذفت قنعانها
ماني براعي جمة مدهونه = بين الصبايا يعجبه دهانها وسلامتكم
hgfg kihv hgud] ud]d uk]ih __________________ |