خــــــــــــــــــــــالد السبيــــــــــــــــــــــعي
اختيار موفق ونقل رائع ولاهنت وصح لسان ابن شرهان المري
[poet font="Arabic Transparent,5,black,bold,normal" bkcolor="transparent" bkimage="backgrounds/15.gif" border="ridge,4,black" type=2 line=200% align=center use=ex length=0 char="" num="0,black" filter=""]
لا والله الاّ شـدوا البـدو مقفـيـن =ينـوون دارٍ وسمهـا وابلـه جـود
جاهم صدوق العلـم قدهـم مندّيـن =وأقفـوا بقطعـانٍ تواصيفهـا سـود
إبلٍ مجاهيـمٍ تحـوز الحـلا زيـن=ما فرّطوا فيها على العسـر والكـود
سودٍ كما الغربـان أو كحلـة العيـن=قدمي شحمها كنّـه نصـال ولهـود
فج المناحـر والغـوارب ذراعيـن=والورك باب القصر ومن طوفته زود
وإذنين مثل حراب جنـد السلاطيـن=والعرف يا سبحان من صاغه جعود
ما تلحق الخضره من سبالهـا ليـن=قد للعرب شهرين من زمـة العـود
لا قرّبوا منهـا مـع القـدر قدريـن=فاضت ويبقى فـي مواخيرهـا زود
وإلى تكلّـم مـن هواهـا بصوتيـن=تكسر له الحقّه له الشـوف مشـدود
زين إرزمتها حزة النـاس ممسيـن=تنهض صغيرٍ تالـي الليـل مالـود
واليا تخطّا من عقـب وقـم يوميـن=ما عاده من الشد والسيـر مضهـود
شدوا على شـف المجاهيـم عجليـن=ما قهقروا الطرعات بشبوك وقيـود
واليا وصلوا قـاعٍ تشـوق المفليـن=صفــّارها يلعـب إلـى هبّتـه نـود
بنّـوا بيـوتٍ كنّهـا زرع يبريـن=وطقّوا لمنزلهم مـن الـذود مفـرود
وشبّوا هشيمٍ مـا توهجـم ببنزيـن=ودنّوا دلالٍ تحتوي الهيـل والعـود
وتحدّثوا مـن ذودهـم والحشاويـن=ومسراحها والكسب والفـال محمـود
من صوت جرّتها فراحـا وطربيـن=تدحـن منارتهـم غواليّهـا السـود
ذاك الزمن والبدو مثـل السلاطيـن=ما حسّبوا للمال والنقـص والـزود
الله يحـب اللـي يحـب البـداويـن=واللي نساهم ميّـت الحـظ مقـرود
محمد بن شرهان الدحابيب المري
[/poet] |