الاخ /حمد السحيمي لا هنت ويعطيك العافيه على هذه المعلومات القليله المكثفه في التفريق بين ابل الدواسر وابل ال مره واحب ان اضيف ان مقاييس الجمال تختلف من منطقه الى منطقه وهذا من اختلاف الناس واراؤهم فمثلا اهل بادية نجد عتيبه وقحطان يميلون وير غبون جدا في جبر العظم وطوله وهذا عندهم شي نفيس في حين ان الدواسر يرغبون ويمدحون الناقه اللي زينها رقاق والناقه اللي زينها رقاق عادة لا تكون جليلة العظم وقد تكون نظير (طويله للاعلى) وقد لا تكون واغلب الاحيان متوسطة الطول للاعلى وانتم تلاحظون اني اذكر دائما بجانب الطول للاعلى لان هناك طول للاعلى اللي يسمونه النظر وناقه نظير وبعير نظير اما الطول اذا ذكر وحده فمعناه عندي وعند الناس اللي انا اخالطهم ومن عرفتهم الطول عندهم طول الشقه واذا قالوا حاشي طويل لا يقصدون ارتفاعه للاعلى وانما يقصدون طول شقته اي جنبه ودائما الناقه اللي زينها رقاق تتسم بحسن وجمال الا ذن وارتكا زتها وتعلمون ان المجهم نصف جمال راسها في جمال اذنها وليس معنى هذا ان من كانت اذنه ليست جميله اصبح غير جميل ولكنه افتقد شيئا عزيزا وقد لا حظت ان حسن وجمال الاذن ياتي مع العظم غير الجليل ومع الراس غير الكبير كما ان كبر العظم وجله وارتخاء الاذن وفقدانها للارتكازه ياتي مع الراس الكبير والعظم الجليل والبطن والجوشن الكبير لذا نلاحظ ان اكثر ابل المره تميل الى جل العظم وكبر الراس والضخامه في جميع اجزاء الجسم مما يجعل جمالها يختلف عن جمال الناقه الاخرى الرقاق وانا اقول اكثر ابل المره لان هناك ابل لآل مره تشبه ابل الدواسر في رقتها وجمالها مثل ابل العا زب ال كربي وابل ال شيبان ال مهران وهذا ما جعل ابل هؤلاء يكثر طالبوها 000 هذا ما اردت المشاركه به ولكم وافر تحياتي 00000 اخوكم عبد الرحمن المقباس |