من وجهه نظري ان البداوه تطورت الى الافضل للي يبي يمارس هوايته فيها او يواصل مشوار من سبقوه من الاباء والاجداد فلله الحمد والمنه زادت الامكانيات كلها وتطورت فمثلا
-المياه كانت محدوده في عدود معينه يقطنون عليها البدو ويستظهرون ماها بالدلو والرشا واالعده اللي انتوا خابرين ولا كل راعي ابل بيسقيها(قوة وضعفه) والان البل عدها معها في راس المفلا
-الناس من اول ماهم بيحرصون على الزين واجد ولا يهدون الا من ابلهم ولا فيه شيء اسمه تصفيه للبل او سمل اما ذلحين هل البل صاروا يهتمون في هذا الجانب وهذا مما يحفظ السلالات الطيبه
-اسعار البل من اول كانت رخيصه وكلها سوا الطيب والاخر ولذلك كان اهلها يعانون من تكاليفها اما الان صار فيه فرق بين المقنوي والمزاين الجمل والفرديه والعاديه المنيح وكل شارب له مقص وهذا نفع الله به كثير من هل البل امسوا فقراء واصبحوا اغنياء
-من اول راعي البل على الرحول وساكن هو واهله في بيت الشعر وهو اللي يسرح فيها ويضوي واليوم ولله الحمد راكب سياره والعرب في البلاد والصبيان مسنعين الحلال والسكن عندها في قصر متنقل ما يفقد فيه شيء من وسائل الراحه مع بقاء اصل الموروث القديم لكن بدون تعب وشقاوه
هذي وجهة نظري حيال الموضوع ومشكور يابو عبد العزيز على الطرح المميز __________________ |