المشاركة الأصلية كتبت بواسطة راشد العرق مرحبا بالجميع ولاهنت يابو محمد على التوضيح وهذا اللي اقصده ولكن القصيد عسر يبغي له شاعر راهي و ولكن من اللي في الخاطر وبالنسبه لقولك في قصيدتك تكلمت عن الغلا اكثر من الزين وظني انك تحب البعير الداهية ولو ان راسه وسط انت صادق احب البعير الكبير جدا اللي انتاجه كبير وزين وانا ذكرت في الابيات شطر والروس سبحانه مسويها بزينه تمها اختصرت ان الله تمها بزين الروس ومرحبا ومسهلا بالجميع وكان ودي اني شاعر متمكن عشان اقول ابشرو بالسعد لكن انا حدي بيتين ثلاثه اربعه بالكثير واوقف لكن الله لا يهين شعرانا الكبار يحركون منتدانا بقصيدهم الطيب اخوكم راشد العرق

بيض الله وجيهكم على التوضيح

حبيت أتطرق لموضوع النقاش لأن الشاعر بيفهم المعنى وحنا مناب شعار وفهمنا المعنى لاكن أنا في مجلس
وعندي رجال شرواكم مجتمعين وقريت لهم الأبيات وقالوا ويش معنى ( من عظم ذود ) قلت أنا حسب فهمي
إنه يقصد ( من عرض ذود أو من ساس ذود ) لأن العظم هو الأصل فقالوا لا أنت مافهمت المعنى وأكيد إن
الشاعر كاتب البيت خطاء ونبيك تستفسر من الشاعر ترسله رساله على الخاص نبي نشوف رده.

فحبيت أكتب تعليقي برد على الموضوع على شأن يقرونه جميع أعضاء وزوار منتديات مزاين الكرام
ونفيد ونستفيد وطرات القصيد النقاش والإثاره.

أرجو المعذره على الإطاله وأكرر شكري وتقديري لشاعر الأخ راشد العرق.

تحيــــــــاتي للجميـــــــــــــع