السلام عليكم ورحمه الله وبركاته
اخي كاتب الموضوع ولجميع من شارك بالموضوع برائيه عن العماله بالاسواق ..
اخواني الحقيقه اكثر من ذلك نع فيه تضرر من العماله المتخلفه وهروبها من كفيله اكبر ضرر انا معك ولاكن مكتب العمل والجوزات هي المعنيه بذلك وهي المتهاونه بهروب العماله والمفروض أي عامل يهرب من كفيله بدون سبب يمنع من دخول السعوديه لمده خمسه سنوات ولاكن الي انا اشوفه ومن بعض للاسف السعوديين والذينا يعتبرون على دين الاسلام يتعامل مع العامل كانه عبد اشتراه ويفعل به أي شي ولايعطيه حقه من مستلزمات اكل او لبس او غيره ولا بعد الراتب فيه ناس كثير ياكلون رواتب عمالهم وحصلت كثير والكفيل السعودي يقول له رح اشتك او اشتك ربك بعد وهذا من الفجور فيه والتكبر لان هذا عامل وجاي ياكل عيش ولا حاطه في خيمه كلها مفتحه وبرد وعيشه مثل وجهه ويبي العامل يجلس عنده اكيد بينحاش ومافيه شي كامل وبعد فيه ناس سعوديين يرمي العامل في البر على اسبوعين ولا عنده بعزبته شي ياكله كانه ماهو انسان هذا العامل فلا بد يا اخوان نراجع الخطاء من المواطن هو يتحمل جزء من الخطاء والعامل اذا كان كل شي موجود عنده وطلباته عنده فيخرج من هذه العماله ناس فاسده جداً من هذه العماله وانا ماني اطهر العامل او الكفيل ولاكن الرسول صلى الله عليه وسلم الدين المعامله . وبعض الناس يصلي ويصوم وياكل رواتب عماله ولا ينفق شي الى بعد مايموت الريال مائه مره وكان العامل حيوان ماهو انسان والعامل بعض منهم طماع وبعضهم يخرب على بعض وبعض من المواطنين السعوديين الكفيل يجي الى عامل صاحبه او ناس يعرفهم ويغريه انه يزوده بالراتب بس يجي عنده طيب يا اخي هذا حرام ولا يجوز وهذا نوع من الحسد . وياخوان الحسد هو الذي دمر حياتنا بعض المواطنين السعوديين اذا شاف سعودي قال له المشوار الي بملغ 300 السعودي يقول 400 والسوداني يقول 200 شوف الفرق طيب ارحم ابن بلدك تضرب بالسعر ليش ؟؟؟ ولا يرفع لك العلف اذا شافك السعودي صاحب العلف جلس يطلق ويحلف وهو كذاب انه هذا سعره وبالاخر ماكله وسارقك وانت على نيتك تبي تنفع المواطن لاكن والله تتمنى انك تشتري من يهودي ولا تشتري من بعض البائعه السعوديين لانه كذاب ويطلق على كل شي اهم شي كيف ياكل فلوسك يالمواطن وتبنى نحن على المواطن ..؟؟؟
اما سوق الابل ...؟؟ في عهد الرسول صلى الله عليه وسلم ماعنده هذا سوداني وهذا مصري وكل ما اخذ رزقه بس الحسد هو الي دمرنا ودمر حلالنا وحتى تجار الاعلاف تسلطو على اهل الحلال بسبه ذنوب الناس و حسدهم لبعض انا ما اقول أي واحد يبيع لاكن الي معه اقامه سليمه يبيع يشتري وانت اعرف ناس اجانب في تجاره مواد غذائيه وغيرها داخلين باسامي ناس كبار ( هوامير ومسؤولين ) رح قلهم لاتخلون السوري او البناني او الي في بعض القصور الموجوده قلهم لاتخلون العماله عندهم خلو بدالها المواطن عشان يتعيش او عشان انهم عمال الحلال هم سودانيين وحكوماتمه ضعيفه ..؟؟
اخي العزيز الرزق من الله وخلك مثل كل الناس الي يدور عمال من برى او جب احد على فيزه وبين له حسن النيه والله تشوف انه يستمر معك والحياه ترى والمعيشه صارت غاليه والشي الثاني اذا هرب بلغ عنه او قدم شكوى للعمل او الجوزات بس نصيحه من اخ لاخوه وللجميع لا احد يتسبب في قطع رزق احد نصيه لانه ماتدري وراه اطفال او ايتام وانت صف نيتك وريرزقك الله على نيتك الطيبه باذن الله وخل الناس على فالها .؟؟
مشكور للجميع واسف على الاطاله .....
اخوكم ........... عبدالله |