السلام عليكم جميع والله لا يهينكم ويبيض وجيهكم


الأخ لاحق فهد العتيبي

بالنسبة للموضوع الي انت نقلته اعتقد ان الأخ / ناصر التبس عليه الوضع لكن الحقيقة والأمانة انه بعير الفصام والفحل الي عندي وسم لبنان الدوسري والشاهد على رقبته والبايع الي باعه لي رجل ثقة وثق ابوه شوف بعينه على ذمته لا ادخل شيء في ذمتي والحمد لله ان فيه رجال عاقل يشهد على كلامي الي هو محمد ابن عبد الله ابن الرجم الدوسري يعرف البعير وابوه ومن قال كلمة لزمته ومسؤول عنها أمام الله والمسلمين

وبالنسبة للبعير الي انت نقلت صورته بعير معروف ومنتج ولا يقل عن بعير الفصام بشيء وعلى كل حال من أي منها هو زود ما هو بنقص والله يبيض وجهك يا لاحق على ردك الي يدل على حبك لكسب الطيب ولحبك لتثبيت البعيرفي موقع فيه رجال لا يقدرون بثمن