المشاركة الأصلية كتبت بواسطة راشد العرق

لاهنت يابن شريه على الموضوع ولا هانو الربع على التعليق

اللي اعرفه ان التهجين من الباكستانيه في المغاتير اكثر بواجد من التهجين من المجاهيم خصوصا الصفر والشعل والحمر

وانا ارى الكلام عن التهجين اقتصر على المجاهيم او انها التي قد لا يضر بها التهجين او قد يرفعها ويزيد من جمالها

وانا هنا اخالفكم الراي لان المجاهيم من صفاتها الجماليه التي تزيدها جمالا عدة صفات منها
1/طول الاذن وارتكازها وتقدمها
2/الاطيمس
3/الفنسه
4/عرض العفس (المعذر)
5/الفجحه
6/اللحي الطافح
7/ السواد
وهذه الصفات تدمرها الباكستانيه مافيها من الزين الا السبله والباقي ملحه شوي ولا تشبع في العلف

والركاب المجاهيم الطيبه والكبار واللي اصلها وزينها ما فيه حكي واجد ولو كانت لم تاخذ حقها من الدعايه

وبالنسبه لدخول الباكستانيه المزاين انا ضده الا اذا كان لها شوط خاص بها