موضوع للنقاش ممتاز اشكرك عليه
انا لي وجهة نضر في هذا الموضوع
بالبدايه حاب اوضح كم شغله
جميع اهل الأبل يكون لديهم فحل منتج يرفع الذود ولاكن بنسبه بسيطه
يجي معه في الجوله اربع خمس بكار (خصم ) والباقي من وسط الأبل او ارفع
وهذي حقيقه حتي اشهر الفحول بالأنتاج ( مثل تمام ) في لقاء بالتلفزيون قال ( هيف القحطاني )
الأبل نتعب في تصفيتها ( فنحن نطلع بالسنه خمس او ست بكار للمزاين والباقي .......
وهناك فحول تنتج قعدان طيبه وخيار ولاكن نجي في البكار تلقاها عاديه .
نرجع لصلب الموضوع
الفحل المنتج اذا ماكنت الناقه اتخدمه ما ينتج شي ( بمعني انه ندور بالبدايه على المعمق الطيب + الشكل الوسط الي نقدر قيمته )
المعمق له دور اساسي في الأنتاج خاصه اذا كانت من ابل طيبه وساسها (طيب ) مزاين وشكلها عادي او ردي
اغلب البدو وهذا راي اسمعه من كثير وليس عليه دراسه مأكده ان للناقه ( 40 بالميه من الآنتاج وللفحل 60 بالميه )
رايي انا ان بغيت اجمع ذود لنفسي ( اركز على الفحل قبل الأبل حتي لو كان بقيمه عاليه )
واشتري ابل من وسط ومقاني يكون معمقها طيب وشكلها مقبول حتي لو فاطر طيبه اشتري
ومن بعد توفيق الله يجي دور الفحل برفع مستوي الأبل. |