ياهل الدبش كل يقيد بعيره =ويحط له مجول وخيه وقيدين
حتى بناته ماتجيه بكسيره =لاجاالمزاين وشعفوها المجانين
هدوا ولد ملحا عريضة ظهيرة =نسنوسها مارق ودرثومها زين
ملحاومن بين المجاهيم خيرة =فنسىو ميزتها سبال وعثانين
ياتي ولدهاطيب بدغيره =طيب وسومه لاحق(ن)الملايين
اسودوكنه هضبة مستديره =لاسار كن ايديه تقشع من الطين
عظمه جليل والمواطي كبيره =وله خشة تاتي على قد شبرين
مقدمه لمن سار كن فيه غيره =كنه يخايل له فريق مقفين
بنته لمن جات الشبوك الخطيره =قامت تلفت كنها تدعي الزين
ولاجاتها اللجنه وهي مستذيره =ذارت وماصكوه معها غدى شين
هذا الفحل ياللي تبون السريره =اللي بناته شوفها يعجب العين
وما ياخذ الاول على البل قصيره =لاجات بين منعتات الفراقين
مايخذه كون السناد النظيره =اللي لها راس كبير وعرنين