بأمي وأبي ياصفوة الخلق نفداك = يا أطهر بني آدم زعيم النبيين
الله فخلقك يا أفضل زكاك = صادق أمين وتفتخر فيك علين
نخشى صعاليك الأمم قبل دعواك = ومن بعدها قدنا الأمم والملايين
من الجزيرة لين غربي الأتراك = ومن قرطبة والأندلس لين بكين
لكن تخاذلنا على غير ممشاك = رحنا يسارٍ وسنتك دربها يمين
والله مابه عزه إلا فمبداك = هبوا دفاعاً عن حب المحبين
المصطفى بالدين يامسلم أنجاك = طه شفيع الخلق لن كان ناسين
ماأذى الذي يرمى على دربه أشواك = يومه مرض زاره وعامله باللين
وين الحمية يوم صعلوك يشناك = وين النشامى وين غيرة هل الدين
اللي حدث قاسي وفالنفس ماجاك = وأقسى من اللي صاير في فلسطين
يوم لانذز بوستن حكت بهت وأياك = تسكت عليه إن كان دم الشرايين
ينبض بحب المصطفى وغاية مناك = نصرة حبيبك من تطاول معادين
لواحد منا تكلم في شيراك =أو سب بوش أو قال كلمة في بوتين
وإلا حكي فبلير لو بالحكي شاك = أو كنداليزا رايس أخت الشياطين
وذولا يابا القاسم مايسوون ماطاك = يكرم ماطاك مطهر الأرض والطين
يالشرق الأوسط يختلط دمك وماك = ونشوف شي تشيب منه البزارين
وترسي بواخرهم على شط مرساك = واليا ستباح العرض والأرض والدين
واللي يقاوم يرسلونه على هناك = في غونتناما شوفته تدمى العين
ويلبسونك برتقالي وننساك = وياويلنا لو بس نسأل هذا وين
وشماعة الإرهاب ذنبك وبلواك = موال صرنا نحفظه والله يعين
والحل ماهو صعب بالعكس فيداك = انطبق السنه ونصبح عزيزين
والحل الأخر أحفظ العلم لاجاك = مقاطعتهم واجبه بالبراهين
مقاطعه محسوبة بوعي وإدراك = نلقى نتائجها ولو من بعد حين
واليا تمادوا صامل العلم ينصاك = يامسلم الصبر انتهى ردو الدين
يمكن بداية نصر وتدور الأفلاك = ونعيد ذكرى القادسية وحطين
اصحى يانايم لايغرونك أعداك = بعض السكوت يمكن الخصم تمكين
ساهي ولاهي حيلتك فاغر فاك = وعدوان الأمة فالجسد مستبدين
أحقادهم بانت وعاد تخفاك = أنجن بقرهم وانتقل للمجانين
لكن ياطه عسى الروح تفداك = وجعلك شفيع إلنا معي قولوا آمين