والله يا اخوان انا مجربه كثير

عندى ابل حوالى 40 وكل يوم احط لها كيس كامل يعنى مايعادل اربع عذوق تمر

2 شعير + تمر
للعشاير واللقحات
................................
اما البكار والفحول علفها لحال
.......................................

احطه الصبح قبل لاتسرح البل وحطه عليه المويه واخليه للساعه 4 اول ماترجع البل واهى تكون مفليه بالرشاش او حول المزرعه
المزرعه وبطونها مليانه وشباع

تاكله واحجزها لليوم الثانى والصبح قبل لاتسرح اتاكد انها ماكلته كامل

وبحمدلله وفضله ومنه لاتاثرت البل ولا تغير عليها شي

وكل سنه هذا نظامي وان خلص منى مزرعتى التمر اروح للحسا او مصنع التمور

الى بالرياض واخذ منه تمر الحولى


بس تاكد انه يكون تمر خالص ماهو رطب او اخضر يعنى انا اقطع العذق واخلي

العمال تحطه بالشمس لونشف منه المويه

ولا شفت منه اى مشكله وامس ولدت عندى ناقه ولا قد طرحت عندى ناقه بحمدلله وفضله ومنه

ولا قد شفت ناقه عندى طولت مالقحت الا اذا كان فيها صيد

وللعلم للاخوان الى بيقولون يمكن متعوده عليه البل ولا تتاثر منه
اقولهم البل تاكله ثلاث شهور بالسنه فقط فى موسم التمر اخر الصيف ووقت جنى التمر

يعنى بالسنه كلها ثلاث شهور وينقطع للسنه القادمه واكرر الموضوع

والله اعلم


دمتم بالف خير