|
الحقوني البعير انعمى فجأه السلام عليكم ورحمه الله وبركاته عندي بعير سنه رباع فجأه انعمى ولحد ظربه والراعي يقول ماجيته ولاشي ومدري وش فيه ؟؟؟؟ عينه تدمع ماء ولايفتحها الا قليل وفيه على مااظن بياضه في طرف العين من قدام او في النص بس فيه بياضه في عينه اكيد مدري القراد والحلم كان مادخل في عينه لانه كان فيه قراد على رموشه من برا افيدوني الله يرحم والديكم وش علاجه وشكررررررررررررررررراااااااااااا |
يمكن البعير كش على وجهه هامه والا من دواب الارض لاكن العلم عند الاخوان يفيدونك |
اول شي لازم تمسك البعير وتتاكد من السبب وش في عينه من داخل وهل فيه شي ماهو طبيعي او فيه شي تعتقد انه السبب عشان اللي قد مرت عليه الحاله يعطيك الدوا المجرب النافع باذن الله والافضل تجيب بيطري جيد ويشوفه واذا يعرف اللي فيه انتهت المشكله ولو ماتقول انه فيه بياض ويمكن ان فيه قردان في عينه كان قلت يمكن انه ضوى وله كي على الجفن من فوق لكن ماهو ضوى حسب كلامك والله يشفيه ويبارك لك فيه |
مرحبا يابو فهد البعير اعور ولا أنعمى كان المصابه عين وحده فهي ضربه اما من شبك او من الراعي ولا نبي نظلم احد بس صارت لي العام وعلاج البدو ماء وسكر وخله ثقيل و الله يعينكم عليه و بتعافى انشاء الله . |
السلام عليكم هل فيه انتفاخ حول العين وهل العين متسكره والا مفتوحه الله يشفيه |
الله يشفيه ويبارك لك فيه |
الضاهر انها الضفاره اسئل خبير عنها انشالله يفيدك ولازم تجيب الطبيب يوقف على الحاله ياخي |
اللة يشفية ولايخسرك يالغالي |
الاخ سعود هذا المرض يصيب الماعز التي بالحضائر اذا ماشافو اللون الاخضر يعني الجت طري ((( يعني البرسيم الغير يابس الطري ))) واعرف اكثر من شخص صارت عنده هالحاله و قام يوكلها البرسيم الطري باليد وتشافت اكثر من حاله هل انت لا تعطي الفحل البرسيم الطري ؟؟ فهو ضروري على الاقل كل اسبوعين مره او مرتين لكل الابل ----- ارجو ان تجرب وانشاء الله سوف تتشافى ويفضل ان تاخذ من محل الخضروات كرتون خس لانه يحتوي على الياف قويه وجرب مره واحده انت مو خسران شي وانشاء الله سوف يتشافى |
هذي ضفاره مثل ماقال اخوي العلاج ماء وملح ثقيل تغسل فيه العين دة مرات من الداخل ومايشوف الا العافيه ان شاء الله |
ما قصروا الأخوان الله يعطيهم العافيه والله يشفي بعيرك ويطرح فيه البركه |
العلاج قطور للعين بشري مضاد حيوي يباع بالصيدليات البشريه وعند البيطري ابرفيتامينات ad3e يقطر بعيون البعير اربع قطرات مرتين يوميا لاربعة ايام والابر ابره كل ثلاث ايام والله يشفيه والعلاج الطبيعي يفور شاهي بدون سكر ويبرد ويقطر بعيون البعير |
الضفاره وعلاجه الكي |
سبق إن أصيب قعود بالعمى المفاجأ كما وصفت أخذنا له من عند البيطري عصار(مرهم ) للعين وكم يوم ورجع مثل أول الله يشفيه لك ... |
حنا مانبي نظلم الراعي ونقول ان هذه نتيجه ضرب على عينه انا اخبر ان عندنا ابل تصير لعين وحده منها مثل اللي تقول لكن هذا وقت الربيع حيث تدخل بعيون البل ورق القلقلان وتصير عين الناقه بيضا وتدمع ونقوم بمسك الناقه وتنضيف عينها وتتعافا بعد فتره بسيطه مثل ماقالوا الاخوان امسك البعير واكشف على عينه يمكن يكون فيها عود واذا مافيها شي نضفها بما وملح وان شاالله يطيب |
| الساعة الآن 54 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |