|
لا طرولي هل المربــــاع ..!! اخواني اخواتي اسعد الله اوقاتكم بكل خير هذه اولى مشاركاتي واتمنى ان تحوز لو بالقليل من رضاكم وهذه رديه بيني وبين الشاعر / محمد بن هندي القرفي الهاجري وانا مسنّد عليه واقول : [poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] انا يابو نايف لا طرولي هل المرباع = اغيّب اشوي وشرد الاذهان نشغلها طماعة سنه فالوقت هذا وانا طماع = ابنقض ابيوتي بالهواجيس وافتلها حنين الرعد والبرق لامن سرى لماع = بعرض المزون اللي اثـقالً مخايلها سرى الليل يبرق والمطر والمزون اتباع = على دار عرباتً ابعاد منازلها على حروته شدو وجاو البدو نجاع = سواة البحور اللي تدارج محاملها يسوقون سوداً ما تقهقر من القراع = هواها افياضً زاهياةً خمايلها ليا قفضو من قامةً والحلال انزاع = تلم الوطى لم المجاديف مجدلها ربيعاً بها يجلى من الخاطر الاوجاع = وتسلى هموم النفس واللي يماثلها ترا ذا هوا نفسي وذا راحة الملتاع= وهذي حياةً ما ندور بدايلها الشاعر : فهد بن صلبوخ [/poet] و رد محمد ابن هندي ويقول : [poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] تزاحم اطروق الشعر حيث الفجوج وساع = تزيحام طرشً والمدوه يصيحلها ارتب قوافيها واصخر لها المطلاع = ومن غالي الالماس تنقش زمايلها نظمها فهيم للشعر دايم الابداع = ينقي جزايلها ويترك هزايلها ترا الوقت هذا يافهد دايم خداع = تمر السنه واليوم والنفس مشغلها انا يافهد قلبي من الوقت ذا ملتاع = بروق الوسم لاحت ووقفت اخايلها وهل الوسم من بعدها زانت الاوضاع = وشفت البدو شدو وقفّت رحايلها الى لاح براق الوسامي بذاك القاع = بعيده على الشاوي صعيبً يشدلها تشوف الزبيدي في مساييلها صلاع = وريح الخزامى يجذبك في مسايلها تلاحق هوا نفسك وخلك مع النجاع = وهمّل ابيوتً ما تجدد منازلها الشاعر / محمد بن هندي [/poet] وسلامتكم اخوكم .. فهد بن صلبوخ |
حياك الله يا فهد بن صلبوخ يا مرحبا ترحيبت البدو لسيل والمنتدى نور بو جودك ومشاركتك الجميله وصح لسانك ولسان الشاعر محمد بن هندي وبيض الله وجهك وتحياتى لك موفق خير |
حياك الله يا فهد بن صلبوخ يا مرحبا ترحيبت البدو لسيل والمنتدى نور بو جودك ومشاركتك الجميله وصح لسانك ولسان الشاعر محمد بن هندي وبيض الله وجهك وتحياتى لك ابوراشد |
ارحب ياخالد ويشرفني ردك الاول طال عمرك اخوك .. فهد |
حياك الله يا فهد بن صلبوخ يا مرحبا ترحيبت البدو لسيل والمنتدى نور بو جودك ومشاركتك الجميله وصح لسانك ولسان الشاعر محمد بن هندي وبيض الله وجهك وتحياتى لك اخوك/ سفر |
ارحب يامحلفي ولاهنت على الترحيب والتعليق اخوك .. فهد |
حنين الرعد والبرق لامن سرى لمـاع بعرض المزون اللـي اثقـالً مخايلهـا سرى الليل يبرق والمطر والمزون اتباع علـى دار عربـاتً ابعـاد منازلـهـا على حروته شدو وجاو البـدو نجـاع سواة البحور اللـي تـدارج محاملهـا يسوقون سوداً ما تقهقـر مـن القـراع هواهـا افيـاضً زاهيـاةً خمايلـهـا =========== أررررحب يا فهد في البداية نرحب بك في دارك وبين اخوانك وصح لسااانك بيض الله وجهك على القصيدة الجزلة وصح لسان الشاعر محمد بن هندي القرفي الهاجري على جزالة الرد وجماله والظاهر ان بتهيضما يا فهد والدوام مثل حبل المشنقة ههههههههه تحياااتي لك يا غالي |
ارحب يابوعبدالله وصح بدنك طال عمرك وان كان ماهيضكم المطر اللي جاكم ماعاد يهيظكم شي :) ولاهنت يالغالي اخوك .. فهد |
فهد بن صلبوخ ارحب والله يحيك ومرحبا بك ياغالي وصح الله السانك ولسان الشاعر محمد بن هندي وبيض الله وجهك وجهه موفق |
ارحب يامحلفي جاسم تبقى على كل حال وردك ومرورك شرف بحد ذاته اخوك .. فهد |
ترى ذا هوى نفسي ذا راحة الملتاع ــــ وهذه حياة ٍ ما ندور بدايلها اشهد انك صادق يافهد تلاحق هواى نفسك وخلك مع النجاع ـــــــ وهمّل بيوت ٍ ما تجدد منازلها الوظيفه والعيال والمدارس عيت ياابن هندي الشاعر المبدع فهد ابن صلبوخ رديه لا تصدر الا من كبار الشعراء صح السانك وعلى الاخرى عانك |
ارحب يامحمد وبيض الله وجهك وصح بدنك تشرفت بمرورك الكريم اخوك .. فهد |
الله يعطيك الف عافيه يا فهد واسف على التاخر بالرد لانشغالي بامور هالدنيا صح لسانك يالغلا دمت بود |
ارحب يافايز ولاهنت طال عمرك وحضورك شرف بحد ذاته اخوك ... فهد |
صح لسااانك بيض الله وجهك على القصيدة الجزلة وصح لسان الشاعر محمد بن هندي تحياااتي لك يا غالي |
| الساعة الآن 31 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |