| علي ال مرعي | 28 / 08 / 2008 15 : 04 PM |
اليا حصل صفر(ن) مواليف وزيان
هذي قصيده للعم علي ابن مرعي يتشره على الوالد حيث فيه ابل طيبه عندنا صفر والوالد هد فيها بعير اسمه دبيجان وهو اسود غوري وصار النتاج كله سود والعم يحب الصفر لذلك طلب من الوالد يهد بعير اصفر طيب يقال له هملان واليكم القصيده ياراكبن من فوق سلسات الاقران = مقربات البعد مشي وخبيبي
حراير اصلن كلها في وضيحان = اماتها ماضربتها الذهيبي
تسرح من الصيهد مع وقت الاذان = والعصر في حيرا العصل يانديبي
منصاك صبي(ن)عادته يذبح الضان = عوق الخصيم ولك حبيب(ن)لبيبي
ابله غدت سود(ن)قلبها دبيجان = والصفر قلّت وينهو بيغديبي
تكفا يبوهداج ضرب بهملان = كود(ن) بناته يحتضيها النصيبي
واليا حصل صفر(ن) مواليف وزيان = يرجع شبابي لي ولوكثر شيبي
ونا مسب السود زينات الالوان = السود سيد النوق وقت الحليبي
وانكانّي في حبّي الصفر غلطان = هافنشدو بن صافيه والعطيبي
اما يجيك شهود حق(ن) ببرهان = وللا فنا كذّاب والكذب عيبي | 