|
ليش تشاول وتهرب؟ السلام عليكم ورحمة الله وبركاته عندي ناقه أخطت من اللقاح في العام قبل الماضي تركتها في الشتاء الماضي مع الفحل حتى فدر الان تشاول وتهرب من الفحل ولايبدو عليها بدنة اللقحه ماهو تفسيركم لها الامر وهل هي لقحه ام لا؟ الله يوفق الجميع لكل خير |
وعليك السلام ورحمة الله وحياك الله ياحاتم حسب ظني انها ماهي لقحه لان القحه تركد وتربخ وناقتك ولله العالم في رحمها التهاب |
حياك الله يا حاتم البدنه ماهي مقياس للناقه ويثبت انها لقحه او ماهي لقحه شوفلك احد من اهل الخبره ورد الفحل على الناقه وان شاء اللهبيعطيك النتيجه |
مرحبا أخوي حاتم أبشــر بالعلم وأنا أخوك أسأل مجــرب ... الناقـه مهيب لقــحه ولا هــيب ميســر والعلامات هاذي أللي تسويها خوف من البعــير لايضربها غــصب ويعســرها خص إيذا كان البعـير غشيم وتوه قعود وسلالالالامتك |
ناقتك معشش شف لك واحد يفهم وخله يخش عليها وأنصح بأنك تبكر في الدخول عليها وقت الهداد قرب ولقاح الدفاء زين للحيل |
اخوي بعض الابل يخافن من الفحول واذا قرب عليها الفحل تشول وهيه لقحه صح لاكن اذاقرب اكثر تشرد خوف من الفحل لا يعضها او يغشمها وناقتك بذن الله لقحه وصبر حتا اول الصفري وبتبين هلحين ولو انها ماهيب لقحه منت منوخها لن مابه فحل يضرب اليوم وفي الصفري قد بانت لقحه او لا والله يبارك لك فيها ولك سلامي وعذرني على الاطاله |
الناقه معشش |
الله يوفقكم جميعا واشكركم على المعلومات القيمة |
| الساعة الآن 43 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |