منتـديـات مــزايـن

منتـديـات مــزايـن (http://www.mzayan.com/vb/index.php)
-   خيمة مزاين (http://www.mzayan.com/vb/forumdisplay.php?f=92)
-   -   يا بيه أنا لكروش ما اعطي ولا ابيع - عبيد العلي الرشيد (http://www.mzayan.com/vb/showthread.php?t=83)

خالد عبدالله السبيعي 10 / 05 / 2005 20 : 10 AM

يا بيه أنا لكروش ما اعطي ولا ابيع - عبيد العلي الرشيد
 
[poet font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا بـيه أنا لكروش ما اعطي ولا ابيع=قبلك طلبها فيصـلٍ وابـن هادي
يا بيـه لو كثّرت بالقـول ما اطيـع=يـا حيف تبغيـني أسلّـم جوادي
يا بيه ما يرهم على مثلها البيع=ولا يجي مثله بقودة مهادي
مـا جمّع أصله بالقراطيس تجميـع=بـيتـه يـعرفونه جميع البـوادي
بـاغٍ إلـى ما لقمّوها المصاريــع=وصـاح الصياح وثار عج الطرادي
يلحـق وانا فوقـه ترثّــع تراثيع=مثل الفحل لا صال وقت الهـدادي
واصلها لعيون بيضٍ مفاريع=فوق الحنايا والسبايا غوادي
هذاك بيعه كان ما تفهم البيع=ليا منهن جلبن بسوق المزادي
يا بيه أنا مسمع جوابك ولا اطيع=هـرجك بمقلة ناظري والفـوادي
يـا سابقي ما نرخصك بالمطاميع=حتـى ولـو قيل ارفعوا بالحدادي
أبغـى إلى ثـار الدخن بالزعازيع=وحطـّوا على عجلاتهـن العدادي
بيوم يشيّب من وحاه المراضيع=حدّين حايدهن من الخوف حادي
أنطـح ورا ربعي وجيه المداريع=وأقضـي عليها دينهـم والعيادي
وانشد عن افعاله بعاد المفازيع=هو هرجنا ذا كذب وألا وكادي؟؟
من لابة بالحرب ماهم مطاويع=ولا تحسّب بالمداس العوادي
حلفـت ما يطري علينا بها البيع=للحشر ما يفخت سواده سوادي
مـا دام راسي للرياح الذعاذيع=بالعون طالبها من الناس غادي
وديارنا حامينها بالمرابيع=واضدادنا عنها تجي بالحيادي
الا ان بغاه ((الليث)) حنّا مخاضيع=لأمره وهو فوقه كما البدر بادي
هذاك انا وحذاي لأمره مطاويع=فرز الوغى صيّاد من لا يصادي
حرٍ يفدع بأبرق الريش تفديع=ولا يفرس ألا من كبار الثنادي
طير السعد يفرّح قلوب المراضيع=تشتاق له معها وهو بالمهادي
يدرا وترجي من وراه المنافيع=الليث يرجى للعطايا الزيادي
اودع مصاعيب القبايل مراجيع=والخيل جاته من عمان تقادي
وصلّوا عدد ما حيش مال وبيع=على نبي للورى خير هادي
[/poet]

يقال بأنه يقصد بالليث= الامام فيصل اللي قد أهداه كروش سابقا


عبيد العلي الرشيد

مبارك بن حسين 25 / 06 / 2005 44 : 12 AM

ماهوب مفرط فيها الا لواحدٍ غالي ويستاهلها

رحمة الله عليه والله يغفر له اجاد في قوله


لا هنت يا خالد

خالد عبدالله السبيعي 27 / 06 / 2005 27 : 11 AM

يا مرحبا يا مبارك

وألف شكر لك هذا الحضور الكريم وهذا التواصل المستمر

تقبل أطيب تحية

أخوك

العبيه 13 / 07 / 2005 20 : 02 PM



مرحبا اخووي خالــد

مساء الرضــــى

لاهنت على هالاختيار الجزل

والله يرحم شاعرها ويرحم امواتنا

واموات المسلمين اللهـــم آآمين

اختك العبيه

خالد عبدالله السبيعي 23 / 07 / 2005 32 : 05 PM

يا هلا بالاخت العبيه

الله يمسيك بكل خير أختي الكريمة

وشكرا لحضوركِ الباهر ومروركِ العاطر

وتقبلي أطيب تحية

أخوكِ


الساعة الآن 42 : 01 AM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009