نرجوا المساعدة
 

ياربع مساكم الله باالخير نبي الفزعة ان حصل انا عندي ابل شريتها من حوالي اسبوعين وخليتها
في شبك شمال الرياض وكسرت الشبك اليوم الصبح وداجت حول شبكها ومدري وش كلت ويوم جيتها
العصر اليوم ودخلناها شبكها فيه القحتين وحدة تبرك والثانية معها بكرة حقة رعت من العلف وقامت تغثي
وصدت عن الاكل وابي من الله ثم منكم الفزعة لاهنتوا علمن باني حطيتها في شبك ثاني ومنعت الاكل والما عنها
وسلامتكم

حياك ياخالد البل يمكنها حمره غر كل وحده منها بيبسي ابو اربعه اريال وانشا تعافا
تقبل تحياتي
اخوك

الكافي ياخالد جربناه وهو اطيب شي للغثه وابلك مغتثه واللي غثت اشوى من اللي ماغثت.

الاخ علي بن حويل بيض الله وجهك ورحم الله والديك عن النار ومشكور على تفاعلك مع الموضوع

حياك الله ياخالد مثل ماقال اخوي علي النص كافيه زين للغثه

على ال مرعي الله لايريك مكروة ويبارك فيك ويجعلها في موازين اعمالك على طرح النصيحة والمساعدة

اسال الله ان يشفي ابلك ويرفع عنها كل اذى


والاخوان ماقصروا اعطوك الراي ,, تقبل مروري وتحياتي ..

الاخ سامر بيض الله وجهك والله يقبل دعائك

مع ابن حويل وابن مرعي

مرحبابكم يابني عمي ولايهونون الربع الباقين عزالله فزعتوا لخيكم وبيض الله وجيهكم
ويرحم الي ارثكم نعم جربت اسفن اب العائلي وشربتة كل وحدة بعد ماحطيتها بشبك الحالها
بدون اكل وشرب ولله الحمد تعافت اللبل وبعد يومين خليتها مع اماتها والحمد والشكر لله
كلت وشربت ولابها خلاف وسلامتكم

الحمد لله رب العالمين
لك الشكر والثناء يا رب العالمين يا معين