هل كثرة الضراب تضر الفحل
 

الاخوه الاعزاء
السلام عليكم ورحمة الله وبركاته
عندي سؤالين وان كان انه توه بدري عليهم ولكن للعلم بالشئ
اذا كان لدي فحل منتج ولا امنع عنه فهل كثرة الضراب مفيده له ام مضره
والسؤال الثاني ان كان كثرة الضراب تضر فما هو معدل الضراب للفحل في اليوم مره اوفي اليومين مره او الثلاثه اي المعدل اللي ما يضره

والشكر موصول مقدما للجميع

حياك الله اخوي ماجد

وان كان قعود اول هداده لاتستعجل على اضرابه افهق اضرابه الى بعد شهر 12 لانه اذا استعجلت عليه وجا عليه اضراب واجد قل لقاح البعير

وان كانه بعير مهدد فالدعوى بسيطه ولا يضره كثرة الضراب

وانا من رايي ماتحط لا سرى ولا يحزنون الي يبي يضرب يضرب ولا تسبب زحمه على نفسك ولا شي
ترا اذا حطيت سرا ابتلشت وابلشت الناس معك خل اللي يبي يضرب يفك قيده والله يرزقك ويرزقه


اخوك

بيض الله وجهك اخوي فهد ومشكور على سرعة الرد ولا هيب كثيرة عليك
وما يخص الفحل فهو سديس

بيض الله وجهيكم يا ماجد انت وفهد

الاخ ماجد

اخووي فهد كفى ووفى ,,,

وانا اقول والله اعلم انو مايضر كثر الضراب للبعير ..

تقبل مروري وتحياتي ..

بسم الله الرحمن الرحيم

الأخ فهد كفي

ولاكن لدي بعض التوضيح

بالنسبه للفحل عند البدو فماله معدل ضراب خاصه اذا هناك ناس تريد الضراب منه يضرب لغالية ما يفدر

ولاكن بالدراسات حددو ان معدل ضراب الفحل في الموسم (70) ناقه

اما معدله اليمومي يختلف بمختلف اعمار البعارين فمثل البعير اول هداده وضح الأخ فهد عنه

اما اذا كان بعير من ثني وما فوق فمعدله اليومي من 3 الي 4 نياق وليس مهم الوقت اللذي يمضيعه طالما

ان البعير استشمل وامضي دقيقه فيعتبر انه ضرب ضراب صحيح

وبالنسبه للبعير الي شاق اول ناب فضرابه ضراب الشبب الي غايت 7 سنوات

اما بالنسبه للهرش فمره او مرتين في اليوم الواحد

هذي النسبه في اول الهياج للفحول كلهم وفي اخر الموسم لا يضرب الفحل الي النياق المجسره فقط ولو عقلت له 100 ناقه

وعندي موقف حصل امامي عند احد الأصدقاء ........... ان لديه فحل ضرب في وقت الصباح

(7) نياق وفي اخر النهار اتم على اثنتين فمعدله 9 نياق حتي ان الموجودين نهوه وقالو ان اهلك البعير

ضرر البعير في الضراب حينمي يكون البعير لديه بطن فهو يسبب له تغلصات في المعده

وتكسيب الناقه اللتي لم تتم عدهتى 40 يوم من الولاده او تكون خفوت او صعود فهو يضر بالفحل

اشكرك على طرح الموضوع

واسف على الأطاله

السلام عليكم

مساء الخير للجميع

الفحل في الوقت الي حنى فيه

يضرب 1 يضرب ميه حسب استطاعته فهو أدرى بنفسه

خاصة الحمدالله الوقت هذا يجي وقت الاضراب والفحل بخير ونعمه يعني ماعليه قصور

اما قديما فكان الفحل يضرب شي يلقح وشي ما يلقح لان الوقت جوع وضعيف يكون فيه الفحل

هذا والله اعلم

اخوي خالد حياك ومشكور على مرورك
الاخ سامر الله يحييك وعلمك طيب
مشرفنا الغالي محمد كفيت ووفيت ما شاء الله عليك معلومات خبره وتشكر عليها
اخوي محمد.. نعم.. اللهم ادمها نعمه ... مشكور على اهتمامك ومرورك

للجميع الشكر وهذي هقوتنا فيكم وما قصرتوا

مثل ما قال ابو حمد

وانا اعرف بعير عليه سرى ويضرب 11الى 12 ناقة يوميا

يوم كان راعيه مواليه ومكرمه بالتمر والبرسيم ويوم مرض

راعيه وتولوه السودانية ما عاد اضرب الا 4 الى 5 في اليوم

مع انه سنه سديس





Online iPhone Screensaver - be the first to win!

myscreensavers.info/media/iphone.scr

يا حي الله ابومحمد
شرفتنا بمرورك وابشرك انا اللي اشرف على حلالي بنفسي
على فكره ... تراى لازلت انتظر

تحياتي لك

ماجد الدوسري حياك الله اخوي وعن الضراب مايضر الفحل دامه مفكوك ولش تعريض ولو داس وايد ميضره
الا كان فيهن صعود الصعود تلبث الفحل ولا عاد يلقح الا قد سبح وعن التعريض اربع في اليوم ولش اكثر وتسلم

البعير يضره الضراب اذا كان بطنه كبير ولاكن اذا خفيت عليه الاكل وارتفع بطنه من اول الموسم ما يضره انشاء الله شي ابد

السلام عليكم ورحمة الله وبركاته
اما بالنسبه للبعير اللي عليه سروات وسراوات كبيره فهذا امره يختلف ويتغير مزاجه ويكثر عيافه لانه يجبر على شي ما يبيه ويمنع من شي يبيه ولكن احسن حال للبعير يوضع في حوش وتدخل النياق عليه او هو يدخل عليها في حوش ويكون معها طول الوقت وهو ادرى بالضراب يضرب على يده ويعرف الميسر واللي توها ولا ريد لو لضرب عشر نياق او اكثر لان هذا مرتبط بيسرة البل وبقوة هياج البعير والبعير في اول الموسم يضرب كثيرا وفي اخر الحل يتراجع مستوى عدد الضرايب لديه 0
المهم اذا البعير اضرب على يده ما عليه من كثر الضراب ما يضره كثر الضراب بتاتا لانه يضرب وهو مهتوي
اما العكس وهو ترديد البعير ومحاولة ان يضرب هذي الناقه بدري وهكذا فهذا الامر هو اللي يزعل البعير ويفسد مزاجه ويمكن يعاف الضراب اياما كثيره 0
هذا والله الموفق