|
من يعرف السلاق يا اخوان اتصل احد الاصدقاء يخبربي بان عنده ناقه مزيونه فيها سلاق ويقول له البيطري ان فيها سلاق بعد تحليل الدم وانه مرض معدي وخطير وليس له علاج من لديه معلومه عن هذا المرض اسبابه وعلامات اصابته الناقه به وطريقه علاجه ان امكن |
الله يشفيها ولا يخسر عليه ولا كل مسلم إنه القادر على ذلك . |
الاخ سلطان لو تخبرنا وش الاعراض الي تمر بة الناقة علشان يكون عندنا بعض الخلفية والله يشفيها من مافيها |
مرحبا ياسلطان وانا اللي اعرفه ويمكن انا اكثر واحد عانا من هذا المرض تقريبا فالمنتدى ذبح عندي سته من الحشوان منها قعود مسوم ب500 الف وهذا المرض ياتي سوا من اكل الدمن عزكم الله او التهابات فالدم ومنها العدوى وهذا عند سحب الدم من الوريد يظهر لك الدم في لونين لون اشعل ولون اسود تقريبا سبحان الله وراعيته دايم تشوفها منتفخه قوايمها وبطنها من تو الديد وفي رقبتها تلقاه روج بين لجلد واللحم وهو الى الان ماله علاج قد قالو صب في حقه علبة زيت وصبيت ولا فيه فايده وقد قالو اخذ حيه وبسمها وابحها وقطعها وقطها بحلقه وبرضو مافي فايده ذكر لي كذا دكتور ان ابرته اسمها (( ماقا نول )) وبحثت عنها في كل مكان في كل الدول العربيه ولا حصلتها للأسف والله يعوض على راعي الدابشه اللي فيها هذا المرض اخوك |
اقتباس:
مع خالص التقدير ،،، |
السلا ق هو مرض لا يوجد له علا ج على حسب علمي واعراضه ضمور فبي البطن وذراق تكرمون والضمور يكون شديد مثل السلق كلاب الصيد """"""""""""""" اخوي فهد الله يعوضك |
اعزلها عن البل والله يعوضك خير |
السلاق مرض خطير جداً و معدي بالدرجه الاولي بادر بعزل الناقه عاجلاً واذا سنها من اللقيه و فوق ففيها امل ان شاء الله بحيث ينضف محلها من الدمن علي طول و تعطي من حبوب الدود القويه (ابو حبتين) +بودرة شراب الدود وتري تكون حاره ورائحتها قويه +ابر مضاد حيوي. ملاحضه:- هذه الادويه لاتحضرني اسمائها الان لاكن سوف ابحث عنها واعطيك بها خبر ان شاء الله. والله المشافي سبحانه. |
بارك الله فيكم جميعا والله يحمنا من الامراض المعديه الخطير انه القادر على ذلك لاحول ولا قوه الا بالله والحمدلله على كل حال |
مرحبا بالجميع ... أخوي فهد الله يعوضك فالقعود وخواته بالنسبه للأعراض اللي شرحتها لنا في القعود وباقي البل اللي عندك أعتقد أنها أعراض (( أبو دبه )) وأبو دبه ماله أعلاج >>> سرطان البل ... والعياذ بالله منه والأعراض اللي أعرفها عن السلاق هي: الضمور والضعف بشده _ الحراره المتواصلــه _ وأعزكم الله الذراق المتواصل _ والبراك وهذا المرض عانه منه واحد من الربع وعين لـه علاج وأنت ذكرته اللي هو (( الحـــيه )) دور له حـيه وذبحها وسقطها في حلقها وبعدها بفتره أعتقد أسبوع لاحظ التغير عليها فالتحسن أو (( الكــي )) تكوا المطـيه على السر بشكل مربع وعلى عكرة الذيل رقمـه وبين الأذاني في حفــرة القحز رقمة" كبيره شوي وسلامتكم ... ونسأل الله العزيز القدير بأن يشافي حلال المسلمين من جميع الأمراض ... |
اخواني الكرام ... السلاق مرض خطير جداً وحسب علمي انه ليس له علاج الا ان يشاء الله وهو بالدرجة الاولى اسهال شديد ومع طول المدة يؤدي الى جفاف وضمور وقلة شهية وهو اصابة بكتيرية في الدم حسبي علمي وليس دود وهذا ما يلتبس فيه البعض فايضاً الدود قد يؤدي الى اسهال وعلاجه سهل ومتوفر فتجد البعض يؤكد وجود علاج للسلاق وهذا خطأ في التشخيص وللاسف فأن الابحاث العلمية في مجال الابل لازالت في الحضيض مع ماوصلت الابل من اسعار فلكية وفي النهاية تجد مشيئة الله وقدرته قادرة على كل شيء وتقبلوا تحياتي |
سمعت من صديق بأنه سئل دكتور عن مرض السلاق هل هو دموي أو رئوي او معوي !!؟ فقال له الدكتور بأنه معوي يكون تقرحات بالمعده أو الامعاء ... وتقبل تحياتي ,,, |
الله يكفي حلال المسلمين هذا المرض الخطير |
فية دكتور فى الخفجى حملوا لة الربع بكرة فيها سلاق لاكن باشروها على طول ويقول راعيها انها طيبة وتحسنت حالتها وان اللى ذكر لة الطبيب واحدمودى اربعة حشوان وتعافت ومثل ما قالوا الربع السلاق دايم فى المفرود والحق اما اللقية نادر مايصيبة وانشاللة اخذ رقم الطبيب لكى تعم الفايدة للجميع ولكم جزيل الشكر |
الله يكفينا شره |
| الساعة الآن 42 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |