|
شاعر حظر زواج حبيبته وجاب العيد !!! بسم الله الرحمن الرحيم السلام عليكم ورحمة الله وبركاته شوفو هذا الشاعر جا وحضر زواج حبيبته وجاب العيد طبعا هو يخاطب بهذي القصيدة زوج حبيبته شوفو وش قال : أبد .. ما جيت ابارك ولكن جيـت باوصّيـك على اللي ناوي ٍ تدخل بهـا الليلـه .. مُعذّبْتـي ترى لولا الظروف اللي عطتْك وحدّت محاكيك قسم بالله ما تدخل عليهـا لـو علـى رْقبْتـي ولكنّ النصيب اقوى ولا ادري ويش اسوّي فيك نعم .. صارت معزّبتك .. ولا صارت معزّبْتي كذا شاءت بنا الأقدار تحرمني لجـل تعطيـك كذا لازم عشان تفوز إنت .. أخسر بتجربْتـي تراها غاليه جـداً .. وتكفـى .. والله يخليـك تـدللها .. تدلعهـا .. تنسّيـهـا مصاحبْـتـي أنا من كثر ما اغليها أحس اني بديـت اغليـك ولا تسـأل بأيّـة حـق ولا ّ وش مناسبْـتـي لإنك لو بتسألني بتسمع شـيء مـا يرضيـك لذا ياخـوي لا تسـأل ولا تسمـع لأجوبْتـي أبيك تحطها في داخل عيونـك وبيـن ايديـك وهي دلوعه اعتـادت علـى كثـرة مداعبْتـي فداعبها شوي شـوي حتـى تشتهـي طاريـك وشاغبها إلين تقـول لـك: بطّـل مشاغبْتـي واذا هي مالها خلقك..ولا تضحك ولا تسلّيـك تحمّلها وإسألهـا: يـا عمـري ليـه عصّبْتـي وبالك اسمع انّك يوم تضربها وهـي تشكيـك ما يحتاج اورّي لك بفـن الضـرب موهبْتـي صحيح انك بتملكها ومعـك الصـك بالتمليـك وانا عارف حدود الله ومـن حقـك معاقبْتـي ولكن قلّها المجنـون وصّانـي وهـو يعنيـك يقول انّـه بينتظـرك ولـو شيّـب وشيّبْتـي وانا مجنونها اللي ما نساها وانت مـا يمديـك تغطّي ذكرياتي في هواها.. وربْـع تجربْتـي أحس اني تماديت بكلامي.. والغضب حاديـك ولو انّك في مكاني ما تفكّـر فـي محاسبْتـي كفاك اني تركت الليله اشغالي عشـان اجيـك دخلت القاعه برجلي ولا ادري ويش عاقبْتـي وانا ما جيت اخرّب عرسك الليلـه ولا أذّيـك أنا جيتك عشان اخاطبـك واسمـع مخاطبْتـي توصّى..وانتبه..واحرص عليهـا والله يهنّيـك ترى كل الكلام اللي طلَع من ضيقـيَ وكبْتـي ولكن ما قدرت انّي أقوله وانـت مـا يخفيـك أخاف انّـي إذا قلتـه تقـوم وتقطـع رْقبْتـي منقوووووول تحيــــــــــــــــــــاتي للجميع |
هههههههههه هذا ما خله شي الحمدلله اللذي عفانا اشكرك على القصه |
اشكرك يابن شريه ع المرور ..... |
هذا ما خله شي الحمدلله اللذي عفانا |
اشهد بالله انه جاب العيد لاهنت على النقل يالغالي |
جاب العيد وبس الرجال ماخلا شئ 000 مشكووووووووووووووووووووووووووووور ياسامر الحربي 000 مبدع دائمآ00000 |
اشهد بالله انه جاب العيد لاهنت على النقل يالغالي |
اشهد بالله انه جاب العيد لاهنت على النقل اخوي سامر ـــــــــــــــــــــــــــــــــــــ |
مشكوووووووورين كل باسمه ,, ع المرور ومنووورين الصفحه بمروركم العطر ,,, تحياتي لكم جميعا ........ |
فعلا الحب جنون نسأل الله العافية واظن القصيده خيال واسع لشاعر وليست حقيقة ولو قيلت حقيقة لحدث من ردة الفعل امر لما يبقى احد الا وسمع به |
هههه جيده ومشاكسه هذي القصيدة |
اقتباس:
((يقولون مالايفعلون)) مشكووووووور اخوووي نواف ع المرور ....... |
اقتباس:
|
لاهنت ياسامر على النقل الطيب |
| الساعة الآن 44 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |