تقطيع الشبوك ؟؟؟؟؟؟
 

يالربع وش الحل في الناقه اللي تقطع الشبوك ؟؟؟؟ لا أحد يقول اللي بعها لانها أحب أبلي لي ........ ولا أحد يقول أربطها بالخيه لا نها أزين الابل ولا ودي أشينها في نظري ........

ابو معجب حياك الله والمشكله هذي مالك الا هاالحلين ثالث مافية اكيد ان الناقة ماهيب القحة او خلفة مالك الا تصبر
لين تلد الناقة وسلامتك

يابومعجب مشكلتك مشكله 000 ولاكن الله يحلها0

بارك الله فيك

مشكلتك حلها بالشبك ماهو بالناقة

اترك الشايك

وحط عليها مواصير مربعات تلقاها جاهزة

الحل هو انك ما تسوي شبك اركز المرابيع وبدل السلك الشايك حط طازانات ثلاث بين كل مربوعتين والله يعينك

ماجور يابو يزيد

1- حط شبك صفايح .

أو

2-ادبل الشايك مثنى او ثلاث مع مس الشبك جيداً بمراكيب قويه

وقبل ذا كله توكل على الله

وتقبل تحياتي ,,,

&الله يعينك عليها وحطها في صفايح&؟

ومن قال سالم ياخالد ولا هنت وبيض الله وجهك .......

يالسمي لا تكبرها وهونها وعلى ماقلت يحلها الله ولا هنت على المرور .......

مع الأخوان بدل السلك بشبك

الله لا يهينك ياعبدالهادي بس وش تقصد في طازانات ؟؟

نواف الله لايهينك والظاهر أني بسوي مثل ماقلت ......بيض الله وجهك .....

يامرحبا يابوفهد تراحيب المطر والله لا يهينك والظاهر أني بحط شبك صفايح . مثل ماقلت وقالوا الاخوان .

لا هنت يابن حويل والظاهر بسوي مثل ماقلت والله لايهينك على تفاعلك في الموضوع .......

الغالي يخلا بدون شبك

والظاهر انها لو حطيت صفايح كسرتها ولا كسرت روحها

الله يستر عليها ويبارك لك فيها ياناصر

واذا لابد من الشبك الله يعينك على بنا حوش ابلك من طابوق