جرأة الحراميه
 

السلام عليكم ورحمة الله وبركاته


الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين


يا اخوان والله الواحد ماهو عارف من وين يبتدي العالم انجنت والطمع ذبح بعض من الناس

هذا موقف حصل معي

شددة ابلي من مراحي القديم الي مراح جديد يبعد عنه بحدود (2) كيلو متر ولا يتسني لي حمل كافت الشبوك والحياض


تركة البعض منهي لان امسي علينا الليل وقلت الصبج اجيبهم المصيبه اني رحت الفجر ما لقيت منهم شي

طلبنا الله بالعوض ومشيت لعند واحد من الجماعه والمصيبه ان حياضه وبعض شبوكه في مراحه مسروقه

قلنا نتمشي انتشوف يمكن نلقى هالحرامي الي نهب العالم وانصدمنه ان رياض السدر الموضوع عليها

حواجز تمنع دخول السيارات الي عن طريق البوابات الموجوده المصيبه يا اخوان ان البوابه بكبرها مسروقه

انصدمنى من طريقة تفكيك البوابه بقاطع للحام واخذ البوابات وفي اكثر من روض ..

الحديد ارتفع سعره والحراميه ارتفع عددهم بشكل خيالي



نسأل الله العفو والعافيه

الله المستعان
ابشر بالعوض يامحمد وهذا منزوع منه الايمان كما بين النبي صلى الله عليه وسلم حيث قال لايزني الزاني حين يزني وهو مؤمن ولايسرق السارق حين يسرق وهومؤمن ولا يشرب الخمر حين يشربها وهومؤمن

الله يخلف عليك ويعوظك غيرها ان شاء الله

بس ما مشيتو على دربه اتشفتو وين وقف

الي مثل هاذولا ما يخلون عشان ما ينتشر هالسرق

وهاذا بتحصله من ذا الاجانب الي يدورون الحديد في اي مكان

ـــــــــــــــــــــــــــــــــــــ

الله يطولي عمرك

بيض الله وجهك يا ابو محمد

المسأله توضيح وترشيد للأخوان لأخذ الحطيه والعذر من الناس هذي

المشكله ليست في الشبك ان اخذوه ولا قعد المشكله ما بعد الشبوك والحديد

هذا واحد من جمعاتي اسرقو منه 50 راس من البهم والصيبه انهم اخذو الرعيان وحطوهم بالدنه ورا مع البهم

واحذفوهم بالبر ثاني يوم الظهر ..

واشكرك على مرورك

محمد الله يعوض عليك

هل بالامكان معرفة المكان او في اي بلد واين الجهات الرسمية من هؤلاء

لان التهاون معهم يشجعهم على الاستمرار بل يجرؤ غيرهم على سلوك مسلكهم

¥ابشر بالعوظ يامحمد¥

على ما قال ابو متعب (( الله يرخص الحديد))

والله يعوض عليك يا محمد

الله يجزاكم خير والعوض من الله ولا قصرتو

اشكركم على المرور


مكان المتواجدون فيه وبكثره بالصمان

لان هناك كثير من الحديد مرمي في البر واخذه لا ضرر منه

لاكن الضرر تعدي على الملاك الغير

فهم يأتون في الليل على دنات

الله المستعان

ياجماعه السرق منتشر وبكثره واحد من الشيبان مسروق منه 10 روس غنم قبل 5 أيام كان يوم العجاج وانا اعتقد يالربع ان الارتفاع الفاحش في الأسعار وقلة المدخول من أحد الأسباب الرئيسية اللي كثرت الحرامية ممن لا يوجد بقلوبهم ذرة ايمان بالله وبأنه هو المعتني برزقهم

واعني بالارتفاع الفاحش ,,, على سبيل المثال لا الحصر الأعــــــــــلاف: يقولون الحكومة دعمت الشعير ونزل فتره وبدا فالتصاعد لا ويقولون هل المشاريع ان فيه ارتفاع قادم بعد وقالوا ان الحكومة ادعمت مكونات المكعبات مثل ماذكر واحد من الاخوان عندنا فالمنتدى ونزل المكعب وبدا الحين فالتصاعد اللا محدود والأدهى والأمر من ذلك واللي جايب لي المراره(((((((التـــــــبن)))))))) الله يكرمكم على 12 ريال وفي تصاعد وما اتحصله بعد وهذا بسبب الاحتكار المحرم وكلهم على هذه الشاكله ((عاظين شربهم على ذالبدوي المسكين)) واذا سألته عن ارتفاع السعر قال لك يا اخي المواد الكيماويه غالية ((اجــــل وين الدعم)) وجميع الحشايش مثله واللا أخس

أجل وين الدعم اللي يقولون عنه,,, أحدى أمرين اما انه لا يوجد دعم في الأصل أو ان الحكومه تدعم والتجار يلهطون

وفي النهايه من اللي راح في رجلها المستهلك المسكين الذي لا حول له ولا قوة

وانا شخصيا وبكل صراحه ما ألوم الحراميه لأن هذا الشبل من ذاك الأسد وأفهما يافهيم,,,

والسموحه يالربع هذا بعض اللي في خاطري وما خفي كان أعظم

هههههههههههههه

يا حمد هذا بخاطرنا كلنا ماهو بخاطرك انت بروحك


الله يعين المسلمين والله يستر لا نرجع مثل زمان اول

القوي ياكل الضعيف واتذابح القبائل

المشكله ان الرزق واجد لاكن صارو المقيمين يتضايقون من المواطنين

سبحان الله

؟سبحان اللة وبحمدةسبحان؟ اللة العظيم؟

الله يخلف عليك ويعوظك غيرها ان شاء الله

الله يخلف عليك و اللي ما يخاف من الله ما يخوفه شي و الحل التشديد على بعض الجنسيات المعروفه بالسرقه

الله يكفينا شرهم

هذي حصلت معاي انا كمان شدينا من مراحنا لمراح جديد قريب من الاول يمكن 4 او 5 كيلو

وتركنا ورانا معالف حديد من جاء ثاني يوم وانو سودانين اثنين يحملونها معاهم سياره دينا

ومن الحظ شافهم واحد من الجماعه ,,, ولا كانت بتروووح ...... وطبعا اخذ معاهم الاجراء اللازم ....

اشكرك مروركم


وهذي والله الله يعينا عليها